આગાહી / ગુજરાતમાં મેઘમહેર થતા ખેડૂતો ખુશખુશાલ, રાજ્યમાં હજુ પણ સાર્વત્રિક વરસાદની આગાહી, જુઓ ક્યાં કેટલો પડ્યો વરસાદ

• ગુજરાતમાં સાર્વત્રિક વરસાદની આગાહી 
• 39 તાલુકામાં 40 ઈંચથી વધુ વરસાદ 
• નદીઓમાં પાણી છોડાતા જળસપાટીમાં વધારો 

ગુજરાતમાં હવામાન વિભાગ દ્વારા વરસાદની આગાહી કરવામાં આવી છે ત્યારે આજે વહેલી સવારથી અમદાવાદ સહિત રાજ્યના અનેક જિલ્લાઓમાં વરસાદ શરૂ થયો છે, ક્યાંક ધીમેધારે તો ક્યાંક ઝરમરીયા સાથે શરૂ થયેલા વરસાદને કારણે રોડ રસ્તાઓ પર પાણી જોવા મળી રહ્યા છે, 

સાર્વત્રિક વરસાદની આગાહી 

અમદાવાદમાં ફોરા સાથે શરૂ થયેલો વરસાદના કારણે રમણિય દ્રશ્યો સર્જાયા છે. બીજી તરફ હવામાને હજુ પણ પાંચ દિવસ સુધી સાર્વત્રિક વરસાદની આગાહી કરી છે, સતત વરસાદના કારણે અનેક જિલ્લાઓની નદીઓ પૂર જેવી સ્થિતિ સર્જાઈ છે, તો અનેક ગામોમાં પાણી ફરી વળતા ઘરોમાં પણ પાણી ઘૂસી ગયા છે. 

39 તાલુકામાં 40 ઈંચથી વધુ વરસાદ 

ગુજરાતમાં હજુ પણ વરસાદની 11 ટકા ઘટ વર્તાઈ રહી છે ત્યારે હવામાન વિભાગ દ્વારા હજુ પણ સાર્વત્રિક વરસાદની આગાહી કરવામાં આવી છે. રાજ્યમાં સિઝનનોકુલ 27 ઈંચ વરસાદ પડ઼્યો છે, જો કે સપ્ટેમ્બર મહિનાના 26 દિવસમાં 13 ઈંસ વરસાદ નોંધાયો છે. અત્યાર સુધીમાં  39 તાલુકામાં 40 ઈંચથી વધુ વરસાદ ખાબક્યો છે. 

જળાશયોમાં નવા નીર આવ્યા 

કચ્છમાં સરેરાશ 87.63% વરસાદ નોંધાયો, ઉત્તર ગુજરતામાં સરેરાશ 66.53% વરસાદ નોંધાયો તો સૌરાષ્ટ્રમાં સરેરાશ 92.75% વરસાદ અને દક્ષિણ ગુજરાતમાં સરેરાશ 82.41% વરસાદ નોંધાયો છે. ભારે વરસાદને કારણે જળાશયોમાં નવા નીર આવ્યા છે જેને લઈ ગુજરાતમાંથી પાણીનો પ્રશ્નો હળવો બન્યો છે. તેમજ ખેડૂતોને સિંચાઈ માટે પણ પાણી ઉપલબ્ધ બન્યું છે. ત્યારે હજુ પણ  સારા વરસાદની શક્યતાઓ જોવા મળી રહી છે. 

નદીમાં પાણી છોડાતા જળસપાટીમાં વધારો 

મહીસાગરના કડાણા ડેમમાંથી મહીસાગર નદીમાં પાણી છોડાતા જળસપાટીમાં વધારો થઈ થયો છે. હાલ પાવરહાઉસ મારફતે નદીમાં 15 હજાર 999 ક્યુસેક પાણી છોડાયું, બીજી તરફ ડેમમાં પણ પાણીની આવકમાં સતત વધારો થતા જળસપાટી વધી છે. ડેમમાં પાણીની આવક 41 હજાર ક્યુસેક નોંધાઇ છે તો ડેમની જળસપાટી 417.2 ફૂટ પર પહોંચી જ્યારે કડાણા ડેમની ભયજનક સપાટી 419 ફૂટ છે. તો બીજી તરફ રાજસ્થાનના મહી બજાજ ડેમમાંથી પાણી છોડાતા મહીસાગર નદીમાં પાણીની આવક વધી છે.