સુરેન્દ્રનગરમાં વરસાદ ખેંચાતા ખેડૂતોની હાલત કફોડી બની, વાવેતર બાદ વરસાદ ખેંચાતા ખેડૂતોની ચિંતા વધી, આગાહી પ્રમાણે સારા વરસાદ માટે હજુ જોવી ખેડૂત અને લોકોએ રાહ જોવી પડશે
સૌરાષ્ટ્ર અને દક્ષિણ ગુજરાતમાં હળવાથી મધ્યમ વરસાદની આગાહી
ગુજરાતમાં વરસાદને લઈ હવામાન વિભાગે કરી છે આગાહી
મધ્ય ગુજરાત અને ઉત્તર ગુજરાતમાં વરસાદી ઝાપટાની આગાહી
રાજ્યમાં વરસાદને લઇને મહત્વના સમાચાર હવામાન વિભાગમાંથી પ્રાપ્ત થયા છે. સારા વરસાદ માટે હજુ જોવી ખેડૂત અને લોકોએ રાહ જોવી પડશે. 20 જુલાઈ બાદ સારો વરસાદ વરસે તેવા એંધાણ હવામાન વિભાગે આપ્યા છે. રાજ્યમાં આ વર્ષે ગત વર્ષની સરખામણીએ 39 ટકા વરસાદની ઘટ નોંધાઈ શકે છે. દક્ષિણ ગુજરાત અને સૌરાષ્ટ્રના કેટલાક ભાગોમાં વરસ્યો હળવો વરસાદ રહેશે. આગામી દિવસોમાં મધ્ય ગુજરાત અને ઉત્તર ગુજરાતમાં વરસાદી ઝાપટાની આગાહી છે.
સૌરાષ્ટ્રના દ્વારકા, જામનગર, રાજકોટ, ભાવનગરમાં વરસાદ વરસી શકે છે. અમરેલી, પોરબંદર, ગીર સોમનાથમાં પણ વરસાદની આગાહી છે. તો અમદાવાદ અને ગાંધીનગરમાં ઉકળાટ રહે તેવી સંભાવના દર્શાવવામાં આવી છે. અમદાવાદ અને ગાંધીનગરમાં સામાન્ય ઝાપટાની આગાહી છે. દક્ષિણ ગુજરાતના ડાંગ, તાપી, દાદરાનગર હવેલી વરસાદ વરસી શકે છે.
સુરેન્દ્રનગરમાં વરસાદ ખેંચાતા ખેડૂતોની હાલત કફોડી બની છે. વાવેતર બાદ વરસાદ ખેંચાતા ખેડૂતોની ચિંતા વધી છે. કપાસ, મગફળી, તલ, એરંડા અને ઘાસચારો તેમજ શાકભાજીના પાકોનું વાવેતર થઈ ગયું છે. મોંઘા બિયારણ અને ખાતરના ઉપયોગ બાદ વરસાદ ખેંચાતા ચિંતા વધી છે. નર્મદાની માયનોર કેનાલમાં પાણી અવારનવાર બંધ કરાતા ખેડૂતોને ફાયદો નહીં. ડીઝલના વધતા ભાવનો પણ ખેડૂતોને માર પડી રહ્યો છે. સુરેન્દ્રનગર જિલ્લાના ખેડૂતોની સરકાર પાસે રાહત પેકેજની માગ કરી છે.