મેઘમહેર / દક્ષિણ ગુજરાતમાં સૌથી વધુ વરસાદની સાથે 69 તાલુકામાં મેઘમહેર, જાણો હવામાન વિભાગે શું કરી આગાહી

• રાજ્યમાં વરસાદ મુદ્દે હવામાન વિભાગનું અનુમાન
• આગામી દિવસોમાં સમગ્ર રાજ્યમાં મેઘ મહેર રહેશે
• 23 જુલાઇએ દરિયામાં બની રહ્યું છે લો પ્રેશન

રાજ્યમાં ચોમાસુ સક્રિય થયું છે. ચોમાસાને લઇ હવામાન વિભાગે કહ્યું, આગામી દિવસોમાં રાજ્યમાં મેઘમહેર રહેશે. દક્ષિણ ગુજરાતમાં ભારે વરસાદ પડશે. જ્યારે ઉત્તર અને મધ્ય ગુજરાતમાં હળવાથી મધ્યમ વરસાદ રહેશે. હવામાન વિભાગની આગાહી મુજબ સૌરાષ્ટ્ર અને દક્ષિણ ગુજરાતમાં મેઘમહેર રહેશે. સાથે જ ગુજરાતના અન્ય વિસ્તારોમાં પણ મધ્યમ વરસાદ પડતો રહેશે. અમદાવાદ અને ગાંધીનગરમાં પણ વરસાદ પડશે.

હવામાન વિભાગના કહેવા મુજબ આગામી 23 જૂલાઇએ લો પ્રેશર બનશે. જેના કારણે રાજ્યમાં સાર્વત્રિક વરસાદ રહે તેવી શક્યતા છે. અને 4 દિવસ સુધી માછીમારોને દરિયો ન ખેડવા પણ સૂચન કરાયા છે. ઉત્તર ગુજરાતમાં સમાન્ય હળવા વરસાદની આગાહી કરાઇ છે. જેમાં મહેસાણા, મહીસાગર, અરવલ્લી, પાટણ, સાબરકાંઠા, બનાસકાંઠા સહિતમાં હળવો વરસાદ રહેશે. મધ્ય ગુજરાતના ગ્રામ્ય વિસ્તારોમાં મધ્યમ વરસાદ પડશે.

આજે રાજ્યના 69 તાલુકામાં વરસાદ

• સૌથી વધુ કપરાડામાં 1.5 ઈંચ વરસાદ
• ખેરગામ સવા ઈંચ, વાપીમાં સવા ઈંચ
• પારડીમાં સવા ઈંચ, ઉમરપાડામાં સવા ઈંચ
• પલસાણામાં સવા ઈંચ, ધરમપુરમાં સવા ઈંચ
• બારડોલીમાં 1 ઈંચ, સોનગઢમાં 1 ઈંચ
• વઘઈમાં પોણો ઈંચ, વલસાડમાં પોણો ઈંચ
• વ્યારામાં પોણો ઈંચ, ચિખલીમાં પોણો ઈંચ
• મહુવામાં પોણો ઈંચ, વાલોદમાં પોણો ઈંચ

સુરતમાં વરસાદના આગમનથી ખેડૂતોમાં ખૂશી

સુરત શહેરના વિવિધ વિસ્તારોમાં વરસાદ શરૂ થયો છે. અઠવાલાઇન્સ, પીપળોદ, અડાજણ, રાંદેરમાં વરસાદ શરૂ થયો છે. વરસાદ આવતા સુરતવાસીઓને ગરમીમાં રાહત મળી. તો ગ્રામ્ય વિસ્તારમાં વરસાદ વરસતા ખેડૂતોમાં ખુશી જોવા મળી રહી છે. વરસાદ આવતા ડાંગર, શાકભાજી સહિતના પાકને નવજીવન મળ્યું છે. તો દક્ષિણ ગુજરાતના તમામ જિલ્લાઓમાં છૂટોછવાયો વરસાદ વરસ્યો છે.