મૂશળધાર વરસશે / દેશનું હવામાન કેવું રહેશે? આ 7 રાજ્યો માટે IMDએ કરી સુસવાટા મારતી આગાહી

દેશમાં સપ્ટેમ્બર મહિનામાં પણ મેઘરાજાની તોફાની બેટિંગ જોવા મળી રહી છે. કેટલાક રાજ્યોમાં વરસાદી માહોલ જામ્યો છે તો કેટલાક રાજ્યોમાં ભારેથી અતિભારે વરસાદની આગાહી હવામાન ખાતાએ વ્યક્ત કરી છે. હવામાન વિભાગના જણાવ્યા પ્રમાણે આગામી બે દિવસ સુધી ઘણા રાજ્યોમાં ભારે વરસાદ પડશે.

જાણો કયા રાજ્યોમાં પડી શકે છે ભારે વરસાદ?

શું છે હવામાન વિભાગની આગાહી

IMD અનુસાર, પશ્ચિમ-મધ્ય અને નજીકના ઉત્તર-પશ્ચિમ બંગાળની ખાડી પરનું લો પ્રેશર એરિયા હવે ડિપ્રેશનમાં ફેરવાઈ ગયું છે. આ ડિપ્રેશન આંધ્ર પ્રદેશમાં કલિંગપટ્ટનમથી લગભગ 270 કિમી પૂર્વમાં, ઓડિશાના ગોપાલપુરથી 210 કિમી પૂર્વ-દક્ષિણપૂર્વમાં, પારાદીપથી 230 કિમી દક્ષિણ-દક્ષિણપૂર્વમાં અને પશ્ચિમ બંગાળમાં દીઘાથી 370 કિમી દક્ષિણમાં સ્થિત છે -પશ્ચિમ બંગાળ દરિયાકાંઠે અને ઊંડા ડિપ્રેશનમાં તીવ્ર બને છે. આ પછી, તે 9 સપ્ટેમ્બરની બપોર સુધીમાં પુરી અને દિઘાની વચ્ચે ઓડિશા અને તેને અડીને આવેલા પશ્ચિમ બંગાળના દરિયાકિનારાને પાર કરે તેવી શક્યતા છે. તે આગામી 2 દિવસ દરમિયાન ઓડિશા અને પશ્ચિમ બંગાળ, ઝારખંડ અને અડીને આવેલા ઉત્તર છત્તીસગઢના ગંગાના મેદાનોમાંથી પસાર થવાની સંભાવના છે.

આ રાજ્યોમાં વરસાદની શક્યતા

હવામાન વિભાગે ભારે વરસાદને લઈને ચેતવણી જાહેર કરી છે. આ અંતર્ગત 10-11 સપ્ટેમ્બરે આંધ્રપ્રદેશ અને ઓડિશામાં ભારે વરસાદની સંભાવના છે. છત્તીસગઢ, તેલંગાણા, પશ્ચિમ બંગાળના ગંગા પ્રદેશ, ઝારખંડમાં આગામી બે દિવસ સુધી ભારેથી અતિ ભારે વરસાદ પડી શકે છે. તે જ સમયે, સોમવારે મહારાષ્ટ્રના કેટલાક ભાગોમાં અને મંગળવારે મોટાભાગના જિલ્લાઓમાં વરસાદની સંભાવના છે.

જોરદાર પવન પણ ફૂંકાશે

આંધ્રપ્રદેશ, ઓડિશા, પશ્ચિમ બંગાળ અને તેને અડીને આવેલા બાંગ્લાદેશના દરિયાકાંઠે 45-55 કિમી પ્રતિ કલાકની ઝડપે પવન ફૂંકાઈ રહ્યો છે, જે 65 કિમી પ્રતિ કલાકની ઝડપે પહોંચી શકે છે. 8 સપ્ટેમ્બરની રાત્રિથી 10 સપ્ટેમ્બરની સવાર સુધી પવનની ઝડપ 50-60 કિમી પ્રતિ કલાકથી વધીને 70 કિમી પ્રતિ કલાક થઈ શકે છે અને ત્યારબાદ ધીમે ધીમે તેમાં ઘટાડો થશે.

આ પણ વાંચો રસોઈ કરતી વખતે વારંવાર હાથમાંથી પડી જાય છે આ વસ્તુઓ, ભયંકર સંકટના એંધાણ

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ