હવામાન / અમદાવાદ-ગાંધીનગર સહિત ગુજરાતના 10 જિલ્લાઓમાં વરસાદની આગાહી, ભારે પવન પણ ફૂંકાશે

• રાજ્યમાં ઠંડી-માવઠાને લઈને હવામાન વિભાગની આગાહી
• અમદાવાદ, ગાંધીનગરમાં પણ હળવા વરસાદની સંભાવના
• 24 કલાક માછીમારોને દરિયો ન ખેડવા સૂચના 
• 29 જાન્યુઆરી રાતથી ફરી ઠંડીનું જોર વધશે 

ગુજરાતમાં ઠંડીના માહોલ વચ્ચે હવે હવામાન વિભાગે મોટી આગાહી કરી છે. હવામાન વિભાગે રાજ્યમાં કમોસમી વરસાદની આગાહી કરી છે. હવામાન વિભાગે 28 જાન્યુઆરીએ ઉત્તર અને ગુજરાતમાં વરસાદની આગાહી કરી છે. જેમાં બનાસકાંઠા, પાટણ અને અરવલ્લી, ખેડા તેમજ આણંદ જિલ્લામાં વરસાદ પડી શકે છે. મહત્વનું છે કે, આગામી 24 કલાક દરમિયાન માછીમારોને દરિયો ન ખેડવા સૂચના અપાઈ છે.

હવામાન વિભાગની આગાહી
રાજ્યમાં ઠંડી-માવઠાને લઈને હવામાન વિભાગે આગાહી કરી છે. આવતીકાલે કેટલીક જગ્યાએ કમોસમી વરસાદને આગાહી કરવામાં આવી છે. ઉત્તર અને મધ્ય ગુજરાતમાં કમોસમી પડી શકે છે. બનાસકાંઠા,પાટણ,ખેડામાં તેમજ સાબરકાંઠા, અરવલ્લી, આણંદ અને મહીસાગર, દાહોદમાં કમોસમી વરસાદ પડી શકે છે. તેમજ અમદાવાદ, ગાંધીનગરમાં પણ હળવા વરસાદની સંભાવના છે. ભારે પવન સાથે વરસાદની સંભાવના છે. પવનોની ગતી ઉત્તર પૂર્વીય જોવા મળશે તેમજ કમોસમી વરસાદ પડે તો પવનની ગતિ 40 થી 50 કિમી પ્રતિ કલાકની રહેશ. 

માછીમારોને દરિયો ન ખેડવા સૂચના અપાઈ
વરસાદ અને ભારે પવનને લઈ હવામાન વિભાગે આગાહી કરી છે, તેમજ આગામી 24 કલાક માછીમારોને દરિયો ન ખેડવા સૂચના અપાઈ છે.  29 જાન્યુઆરી રાતથી ફરી ઠંડીનું જોર વધશે તેમજ વરસાદ પડે તો ફરીથી ઠંડીનું જોર વધશે અને 30 જાન્યુઆરી બાદ તાપમાન ફરી 10 ડિગ્રીથી નીચું જશે. આજે નલિયામાં સૌથી નીચું 4.5 ડિગ્રી તાપમાન નોંધાયું છે. 

ઠંડીએ પાટનગરવાસીઓને ધ્રુજાવ્યા
આપને જણાવી દઈએ કે, આજે ઠંડીએ પાટનગરવાસીઓને થથરાવ્યા હતા. ગાંધીનગરમાં ઠંડીનો પારો 11.7 ડિગ્રીએ ગગડ્યું છે.. અમદાવાદમાં આજે ઠંડા પવનોનું જોર હતું. સવારથી ઠંડા પવનો ફૂંકાતા લોકોને આજે પણ ઠંડીનો અહેસાસ થયો હતો. જોકે, 13.5 ડિગ્રી તાપમાનના કારણે લોકોએ હાડ થીજાવતી ઠંડી અનુભવી નહોતી.

જુઓ કયા શહેરમાં કેટલું નોંધાયું તાપમાન

• અમદાવાદ 13.5
• ગાંધીનગર 11.7
• રાજકોટ 9.4
• ભુજ 9.7
• કેશોદ 8.4
• ડીસા 12
• વડોદરા 13.4