હવામાન વિભાગ દ્વારા વરસાદને લઈને આગાહી કરવામાં આવી છે, કે દક્ષિણ ગુજરાતમાં 50 કિમીની ઝડપે પવન ફુકાઈને હળવોથી સામાન્ય વરસાદ રહેશે, જ્યારે ડાંગ, નવસારી અને વલસાડમાં ભારે વરસાદ પડી શકે છે.
વરસાદને લઈને હવામાન વિભાગે કરી આગાહી
રાજ્યમાં હળવોથી સામાન્ય વરસાદ યથાવત રહેશે
માછીમારોને દરિયો ન ખેડવા સૂચના આપવામાં આવી
ગુજરાતમાં છેલ્લા એક સપ્તાહથી વરસાદી માહોલ જોવા મળી રહ્યો છે. અનેક જિલ્લાઓમાં અતિભારે વરસાદને કારણે જનજીવન પર ભારે અસર પડી છે. તેવામાં હવામાન વિભાગ દ્વારા વરસાદને લઈને મોટી આગાહી કરવામાં આવી છે. જેમા હવામાન વિભાગે કહ્યું છે કે હાલ રાજ્યમાં વરસાદ યથાવત રહેશે.
દક્ષિણ ગુજરાતનાં 50 કિમી ઝડપે ફુંકાશે પવન
જોકે હવામાન વિભાગ દ્વારા કહેવામાં આવ્યું છે કે રાજ્યના મોટા ભાગના જિલ્લાઓમાં હવે ભારે વરસાદની સંભવના હવે ઓછી છે. પરંતુ દક્ષિણ ગુજરાતનાં વાતાવરણમાં ફેરફાર થશે. જેમા અહિયા 50 કિલોમીટરની ઝડપે પવન ફુકાઈ શકે છે. જોકે અહીયા પણ ભારે વરસાદ નહી પરંતુ હળવોથી મધ્યમ વરસાદ રહેશે. આ આગાહીને લઈને વહીવટી તંત્ર પણ એલર્ટ થઈ ગયું છે.
અમદાવાદમાં સામાન્ય વરસાદ
અમદાવાદમાં પણ સામાન્ય વરસાદ રહેશે તેવી હવામાન વિભાગ દ્વારા આગાહી કરવામાં આવી છે. બંગાળની ખાડીમાં લો પ્રેશરને કારણે વરસાદી માહોલ રહેવાનો છે. પરંતુ હવામાન વિભાગનું કહેવું છે કે લો પ્રેશરની અસર ગુજરાતમાં આ વખતે ઓછી રહેશે.
સૌરાષ્ટ્ર અને કચ્છમાં પણ વરસાદી માહોલ
હવામાન વિભાગની આગાહી અનુસાર દક્ષિણ ગુજરાતમાં વરસાદ વધું રહેશે. જોકે અહીયા ભારે નહી પરંતુ હળવોથી ભારે વરસાદ પડી શકે છે. સૌરાષ્ટ્ર અને કચ્છમાં પણ વરસાદી માહોલ યથાવત રહેશે. પરંતુ અહીયા પણ વરસાદ સામાન્યથી હળવા પ્રમાણમાં રહેશે. જેના કારણે ખેડૂતોમાં હાલ ખુશીનો માહોલ જોવા મળી રહ્યો છે.
તાપી, ડાંગ અને વલસાડમાં ભારે વરસાદ
ઉલ્લેખનીય છે કે હવામાન વિભાગની આગાહી અનુસાર ડાંગ, તાપી, વલસાડ, તેમજ નવસારીમાં ભારે વરસાદ પડશે. જેના કારણે માછીમારોને 5 દિવસ સુધી દરિયો ન ખેડવા માટે સૂચના આપી દેવામાં આવી છે. સાથેજ ભારે વરસાદની આગાહીને કારણે અહીયા તંત્ર પણ એલર્ટ મોડમાં આવી ગયું છે.