રાજ્યમાં ઠંડીનો પ્રકોપ જોવા મળી રહ્યો છે વહેલા સવારે ઠંડા પવનોને કારણે લોકો ઠંડીમાં ઠુંઠવાયા છે, હજુ પણ હવામાન વિભાગે લોલ્ડવેવની આગાહી કરી છે.
રાજ્યભરમાં ઠંડીની શીતલહેર
ઠડીમાં સ્વસ્થ્ય રહેવા લોકો કરી રહ્યા છે કસરત
રાજ્યમાં હજુ પણ થોડા દિવસ રહેશે કોલ્ડવેવ
રાજ્યભરમાં કાલિત ઠંડીનો અહેસાસ થઈ રહ્યો છે, અનેક મોટા શહેરોમાં શીતલહેર વ્યાપી ગઈ છે ત્યારે હવામાન વિભાગે રાજ્યભરમાં કોલ્ડવેવની આગાહી કરી છે. જેને અસર હવે જોવા પણ મળી રહી છે, મોટા ભાગના શહેરોમાં તાપમાનનો પારો ગગડ્યો છે, શિયાળામાં ઠંડા પવનો ફુકાવાના કારણે ઠંડીનું પ્રમાણ વધ્યું છે.
કચ્છમાં ત્રણ દિવસ કોલ્ડવેવની આગાહી
રાજ્યમાં હજુ ત્રણ દિવસ ઠંડીમાં વધારો થવાની શક્યતાઓ છે. હવામાન વિભાગ દ્વારા ઠંડીને લઇ અનુમાન કરવામાં આવ્યું છે કે હજું 3 દિવસ કચ્છના નલિયામાં કોલ્ડવેવ યથાવત રહેશે. તેમજ ઉત્તર-પૂર્વીય પવનોને કારણે ઠંડીમાં વધારો થશે. ઉત્તર, મધ્ય અને દક્ષિણ ગુજરાતમાં ઠંડીનુ જોર વધતા ઠંડીનો ચમકારો વધી શકે છે. હજુ 2 થી 3 ડિગ્રી જેટલો તાપમાનમાં ઘટાડો નોંધાશે જ્યારે 21 ડિસેમ્બર બાદ ઠંડીના પ્રમાણમાં ઘટાડો જોવા મળી શકે છે. સાથે જ અમદાવાદ અને ગાંધીનગરમાં પવનની ગતિ 30 થી 40 કિમી પ્રતિ કલાક રહેતા ઠંડી વધશે તેવું હવામાન વિભાગે જણાવ્યું છે.
માઉન્ટ આબુમાં ઠંડીનો પારો ગગડ્યો
માઉન્ટ આબુમાં ઠંડીનો પારો 0 ડિગ્રી સુધી ગગડ્યો છે જેને કારણે માઉન્ટ આબુમાં બરફની ચાદર પથરાઈ ગઈ છે એટલું જ નહીં ઠેર ઠેર બરફ જામેલો જોવા મળી રહ્યો છે, જ્યારે ડીસામાં પણ ઠંડીનો પારો 10 ડિગ્રીએ પહોંચ્યો
રાજ્યભરમાં ઠંડીની શીતલહેર
આજે કચ્છનું નલિયા 5.4 ડીગ્રી સાથે રાજ્યનું સૌથી ઠંડુ શહેર બન્યું છે, અમદાવાદમાં પણ 11.7 ડીગ્રી તાપમાન નોંધાયું છે, ફુલ ગુલાબી ઠંડીનો આનંદ લેતા લોકો નજરે પડી રહ્યા છે તો કેટલાક ઘરોમાં જ પુરાઈ રહેવાનું પસંદ કરી રહ્યા છે. વહેલી સવારે ઠંડી લોકો મોર્નિંગ વોક માટે નિકળે છે, હવામાન વિભાગે દ્વારા જણાવાયું છે કે હજુ પણ રાજ્યમાં આગામી દિવસોમાં કોલ્ડવેવની સ્થિતિ યથાવત રહેશે. મહાનગરોમાં પણ તાપમાનનો પારો નીચે જતા મોટા શહેરો ઠંડાગાર બન્યા છે. અમદાવાદ, ગાંધીનગર, વડોદરા, રાજકોટ, સુરત સહિતના શહેરોમાં ફુલ ગુલાબી ઠંડીનો અનુભવ થઈ રહ્યો છે.
અમદાવાદમાં વધ્યો ઠંડીનો ચમકારો
રાજ્યમાં ઠંડીને લઈને હવામાન વિભાગે જણાવ્યું છે કે હજુ પણ ઠંડીના પ્રમાણમાં વધારો નોંધાઈ શકે છે, રાજ્યમાં ઠંડીનું પ્રમાણ વધી શકે છે. આગામી 4 દિવસ સુધી સૌરાષ્ટ્ર સહિત કચ્છમાં કોલ્ડવેવની આગાહી હવામાન વિભાગ દ્વારા કરવામાં આવી છે. સાથે જ હવામાન વિભાગે કહ્યું છે કે કચ્છના વિસ્તારમાં સિવિયર કોલ્ડવેવની અસર અનુભવાશે.
ઠંડીથી બચવા અમદાવાદીઓ કરી રહ્યા છે તાપણા
વહેલી સવારથી ઠંડીનો ચમકારો વર્તાઈ રહ્યો છે, ઠંડીના કારણે લોકો ઘરોમાં જ પુરાઈ રહેવાનું વધારે પસંદ કરી રહ્યા છે તો વળી કેટલાક લોકો વહેલી સવારે મૉંરનિંગ વૉક માટે પણ નીકળી જતા હોય છે. જ્યારે બીજી તરફ કેટલાક લોકો ઠંડીની મજાલેતા હોય તેવા દ્રશ્યો પણ સામે આવી રહ્યા છે, વહેલી સવારે મોનિંગ વોક માટે નીકળી જવું એ પણ એક લાહવો હોય છે. બીજી તરફ ઠંડીનું પ્રમાણ વધતા લોકો ઘરમાં જ પૂરાઈ રહેવાનું વધારે પસંદ કરી રહ્યા છે.
કચ્છમાં સિવિયર કોલ્ડવેવની અસર
ઉત્તર-પૂર્વીય ઠંડા પવનનો જોર વધતા ગુજરાત સહિત કચ્છમાં ઠંડીના પ્રમાણમાં વધારો નોંધાયો છે..હવામાન વિભાગની આગાહી મુજબ કચ્છમાં સિવિયર કોલ્ડવેવની અસર વર્તાઈ રહી છે.કચ્છના નલિયામાં ઠંડીનો પારો નીચે ગગડતા કોલ્ડસીટી ગણાતા નલિયા સતત રાજ્યનું સૌથી ઠંડું શહેર બની રહ્યું છે.એકાએક ઠંડી પારો ગગડીને નીચો જતા કચ્છના લોકો ઠંડીથી ઠુંઠવાઇ રહ્યા છે.
ગરમ કપડા અને તાપણું બન્યા આશરો
કચ્છ ભરમાં આજે વહેલી સવારથી ઠંડા બર્ફીલા પવન સાથે ધૂમમ્સ ભર્યું વાતાવરણ સર્જાતા હિલસ્ટેશન જેવા દ્રશ્યો જોવા મળી રહયા છે. સાથે જ સમગ્ર કચ્છ જીલ્લામાં કાતિલ ઠંડીનો લોકોએ અહેસાસ કર્યો હતો. કચ્છ પડી રહેલી તીવ્ર ઠંડી કારણે જનજીવન પર અસર પડી રહી છે. ભુજ સાથે કચ્છના નલિયા, માંડવી , અને કંડલા એરપોર્ટપર ઠંડી મોજું ફરી વળતા કચ્છ વાસીઓએ અસહ્ય ઠંડી સામનો કરવો પડ્યો હતો. હવામાન વિભાગના જણાવ્યા અનુસાર હજુપણ આગામી દિવસોમાં ઠંડીનો ચમકારો યથાવત રહે તેવી શકયતા છે. જેના પગલે હજુપણ આગામી દિવસોમાં કચ્છ લોકોને કડકડતી ઠંડી સામનો કરવો પડશે.