Unseasonal rainfall forecast: કમોસમી વરસાદને લઈને હવામાન વિભાગ અને હવામાન નિષ્ણાંત અંબાલાલ પટેલે મોટી આગાહી કરી છે. જેના કારણે ધરતીપુત્રો અને લોકોની ચિંતા વધી ગઈ છે.
ગુજરાતમાં માવઠાનો વધુ એક રાઉન્ડની આગાહી
6 અને 7 એપ્રિલે કમોસમી વરસાદની આગાહી
ઉત્તર ગુજરાત, કચ્છમાં વરસાદની આગાહી
ગુજરાતમાં ઉનાળો અને ચોમાસું સાથે ચાલતું હોય તેવું લાગી રહ્યું છે. એપ્રિલ શરૂ થયાને ત્રણ દિવસ થયા છે. ત્યારે આ મહિને પણ વારંવાર વાતાવરણમાં પલટો આવવાના એંધાણ છે. એપ્રિલ શરું થયો છે હજુ તો ઉનાળાની ગરમીનો અહેસાસ થવાનો શરું થયો ત્યાં ફરી માવઠાની આગાહી કરવામાં આવી છે. રાજ્યમાં 6 અને 7 એપ્રિલના રોજ કમોસમી વરસાદ થવાની શક્યતા છે.
6 અને 7 એપ્રિલે માવઠાની શક્યતા
હવામાન વિભાગે જણાવ્યું છે કે, વધુ એક વેસ્ટન ડિસ્ટર્બન્સ સક્રિય થયું છે. જેના કારણે 6 અને 7 એપ્રિલના ઉતર ગુજરાત અને કચ્છના વિસ્તારમાં માવઠુ થવાની શક્યતા છે. એટલે એવું કહી શકાય કે ફરી ગુજરાત માટે ભારે દિવસોની શરૂઆત થવા જઈ રહી છે. હવામાન વિભાગની આગાહીને પગલે ખેડૂતોની માથે ચિંતાના વાદળો ઘેરાઈ ગયા છે. વરસાદની અને વાતાવરણમાં આવી રહેલા પલટાની સીધી અસર ખેડૂતો પર પડી રહી છે.
કચ્છ અને બનાસકાંઠાના ફૂંકાશે ભારે પવન
હવામાન વિભાગે આગામી ત્રણ દિવસમાં ગરમીમાં પણ વધારાની શક્યતા વ્યક્ત કરી છે. હવામાન વિભાગના જણાવ્યાનુસાર, અમદાવાદમાં ગરમીનો પારો 39 ડિગ્રી પહોંચવાની શક્યતા છે. બનાસકાંઠા, સાબરકાંઠા અને કચ્છમાં ભારે પવન ફૂંકાશે.
અંબાલાલ પટેલે પણ કરી આગાહી
તો હવામાન નિષ્ણાંત અંબાલાલ પટેલે પણ માવઠાને લઈને અગાહી કરી છે. તેમણે જણાવ્યું છે કે પશ્ચિમી વિક્ષેપને કારણે ફરી ગુજરાતના અનેક વિસ્તારોમાં માવઠું થઇ શકે છે.વીજળીના કડાકા સાથે ઘણાં વિસ્તારમાં કરા પણ પડી શકે છે. ભેજના કારણે ત્રણથી આઠ એપ્રિલ સુધી ફરી રાજ્યમાં વાતાવરણ પલટાશે અને વાદળછાયું વાતારણ રહેવાની શક્યતા છે.
આ વખતે નબળું રહેશે ચોમાસુંઃ અંબાલાલ
અંબાલાલ પટેલે જણાવ્યું કે, 8થી 14 એપ્રિલ સુધી આંધી, વંટોળ સાથે કમોસમી વરસાદ અને કરા પણ પડી શકે છે. 22 એપ્રિલ એટલે કે અખાત્રીજના દિવસે પણ માવઠું થઈ શકે છે. આ વખતનું ચોમાસું નબળું રહેશે. આ આગાહીના કારણે ધરતીપુત્રો અને લોકોની ચિંતા વધી ગઈ છે.