આ સંકેતો તમને જણાવે છે કે તમારા ઘરની આસપાસ નકારાત્મક ઉર્જા છે સક્રિય ...

ભૂત-પ્રેત કે નકારાત્મક ઉર્જા એક અદૃશ્ય શક્તિ હોય છે જે કોઈ પણ સમયે અને કોઈ પણ જગ્યાએ ગમે ત્યારે હાજર હોય છે. આ વસ્તુઓને આપણે જોઈ નથી શકતા પરંતુ કેટલાક સંકેતો છે જે તમને એ જણાવી દે છે કે તમારા ઘરની આસપાસ નકારાત્મક ઉર્જા સક્રિય છે. તેને ઓળખવા માટે તમારે ન તો કોઈ મશીનની જરૂર છે ન તો કોઈ વિશેષ સાધનની. ફક્ત આ લક્ષણોથી તમે જાણી શકો છો કે તમારા ઘરની આસપાસ નકારાત્મક ઉર્જાનો પડછાયો છે.....

તમારા ઘરમાં કોઈ પાલતું પ્રાણી છે જેમ કે કૂતરું બિલાડી અને તેમનો વ્યવહાર અચાનકથી બદલાઈ જાય તો તેને સાધારણ ન સમજવું. આ નકારાત્મક ઉર્જાની હાજરીના સંકેતો છે.

જો તમને વારંવાર ઘરમાં કોઈની હાજરીનો અહેસાસ થવા લાગે જ્યારે ત્યાં કોઈ ન હોય. આ સમયે તમારે ઘરમાંથી નકારાત્મક ઉર્જાને દૂર કરવાના ઉપાયો કરવા જોઈએ.

ઘરના તાપમાનમાં અચાનકથી ફેરફાર થવા લાગે એટલે કે બધુ સામાન્ય હોવા પર પણ આસ-પાસનું તાપમાન ઓછુ વધારે લાગે તો આ પણ એક ખરાબ સંકેત છે.

તમારા ઘરમાં દરેક વસ્તુ સામાન્ય હોય અને અચાનકથી તમને કોઈ ભારે સુગંધનો અહેસાસ થાય છે તેનું કારણ કોઈ નકારાત્મક ઉર્જા હોઈ શકે છે. 

કોઈ વસ્તુ યાદ કરીને મુકેલી હોય અને જરૂર પડે ત્યારે મુકેલા સ્થાન પરથી ન મળે આ ઘટના જો વારંવાર થાય છે તો આ સંકેત છે કે ઘરમાં સકારાત્મક ઉર્જા વધારવાની જરૂર છે.

મોડી રાત્રે જો કોઈ રૂમમાંથી કોઈના રોવાનો અવાજ સંભળાય છે અને ત્યાં કોઈ હાજર ન હોય તો આ સંકેત ઘરમાં નકારાત્મક ઉર્જાના હોઈ શકે છે.

જો તમને અવારનવાર એવુ લાગે કે તમને કોઈ અડવાનો પ્રયત્ન કરી રહ્યુ છે પાછળ ફરીને જોવા પર જો કોઈ ન હોય તો તમારે સકારાત્મક ઉર્જાને વધારવાના પ્રયત્નો કરવા જોઈએ.

તમારા ઘરમાં વારંવાર કાળી બિલાડી આવવા લાગે તો આ સારો સંકેત નથી આ એક નકારાત્મક શક્તિની હાજરીને દર્શાવે છે.

બપોરે કે રાત્રે જો વિચિત્ર અવાજો સંભાળાય જેમ કે દરવાજો ખખડાવવો કોઈ વસ્તુનું અચાનકથી નીચે પડવુ કે ચાલવાના અવાજો આવે છે તો તેને સામાન્ય ન ગણવા જોઈએ. જો આ ઘટનાક્રમ જો સતત ઘણા દિવસો સુધી ચાલે તો તમારે સજાગ રહેવું જોઈએ.

ઘરમાં લોકો જો વારંવાર બીમાર થવા લાગે અને લોકોનો વ્યવહાર પણ બદલાઈ જાય છે એટલે કે જોડે રહેનારા લોકો એક બીજા સાથે ઝગડો કરવા લાગે તો આ પણ એક નકારાત્મક ઉર્જાનો સંકેત માનવામાં આવે છે.

આ વાત ફક્ત માન્યતાઓ પર આધારિત છે જેના પર લોકો પરંપરાગત રીતે વિશ્વાસ કરે છે. આ વાતનો કોઈ વૈજ્ઞાનિક આધાર નથી.