મેટા / ફેસબુકને વેચવું પડી શકે છે વોટ્સએપ અને ઇન્સ્ટાગ્રામ, આ છે મોટું કારણ

• ના હોય ! ફેસબુકને વેચવુ પડશે WhatsApp અને Instagram
• કોર્ટમાંથી લીલીઝંડી મળ્યાં બાદ હવે FTC ફેસબુકને કોર્ટમાં ઘસેડશે
• છેલ્લાં ઘણા સમયથી મેટા પર અવિશ્વાસના આરોપ લાગ્યા 

શું Metaએ પોતાની બે લોકપ્રિય એપ્સને વેચવી પડશે?

ફેસબુકે હાલમાં પોતાનુ નામ બદલીને Meta કરી દીધુ છે. શું Meta ને પોતાની બે લોકપ્રિય એપ્સ- WhatsApp અને Instagram વેચવી પડશે? આ શક્ય છે. આવો જાણીએ અમે આવુ કેમ કહી રહ્યાં છે. અમેરિકન સોશિયલ મીડિયા દિગ્ગજ મેટા પર છેલ્લાં ઘણા સમયથી અવિશ્વાસના આરોપ લાગ્યા છે. કંપની પર આરોપ લાગે છે કે તે બીજી નાની કંપનીઓને ટકવાની તક આપતી નથી. કંપની પર આરોપ છે કે અમેરિકામાં મેટા સોશિયલ મીડિયા સ્પેસમાં પોતાનુ પ્રભુત્વ જમાવી રહી છે.

ફેસબુક પર લાગ્યાં ગંભીર આરોપ

ફેસબુક પર પણ એવો આરોપ લાગ્યો છે કે તે પોતાના ભ્રષ્ટાચારને વધવા દેતી નથી. જો ફેસબુકને દેખાય છે કે કોઈ તેને ટક્કર આપી રહ્યું છે તો ફેસબુક ગમે તે રીતે કંપનીને પોતાની સાથે મર્જ કરી લે છે. આ બધા કારણોને લઇને ઘણી વખત મેટાના સીઈઓ માર્ક ઝુકરબર્ગને અમેરિકાની સંસદમાં બોલાવીને તેને તીખા સવાલ કરવામાં આવ્યાં અને આરોપ લગાવવામાં આવ્યાં.

અમેરિકન એજન્સીને મોટી સિદ્ધી થઈ પ્રાપ્ત 

એન્ટ્રી ટ્રસ્ટ મામલામાં અમેરિકન એજન્સી FTC (ફેડરલ ટ્રેડ કમિશન)ને એક મોટી સિદ્ધી પ્રાપ્ત થઇ છે. હવે FTC મેટાને કોર્ટમાં ઘસેડી શકે છે. FTC ઈચ્છે છે કે Meta પોતાની બે લોકપ્રિય એપ્સને વેચી દે. ઉલ્લેખનીય છે કે, FTC અમેરિકન સરકારની સ્વતંત્ર એજન્સી છે, જે ગ્રાહકોના હિતની રક્ષા કરે છે. ફેડરલ ટ્રેડ કમિશને Meta પર કથિત એન્ટી ટ્રસ્ટ વાયોલેશનનો આરોપ લગાવ્યો હતો અને આ કેસ હજી સુધી ચાલી રહ્યો છે. આ કેસમાં ફેડરલ જજે FTCને મંજૂરી આપી દીધી છે કે તે Metaને એન્ટી ટ્રસ્ટના ભંગ માટે કોર્ટમાં ઘસેડી શકે છે.