મહાન ફૂટબોલર લિયોનલ મેસીએ બાર્સેલોનાને અલવિદા કહ્યું ત્યારે ધ્રુસકે ને ધ્રુસકે રડી પડ્યો હતો. જે ટિશ્યુથી તેણે આંસુ લૂછ્યા હતા તેની કિંમત કરોડોમાં આંકવામાં આવી છે.
મેસીના કિમતી આંસુ
આંસુ લૂછેલું ટિશ્યુ વેચાશે કરોડોમાં
મેસીએ 21 વર્ષ બાદ છોડ્યું ક્લબ
બાર્સોલોનાને અલવિદા
લિયોનલ મેસીની બાર્સેલોનાથી બહાર નીકળવાની ઘોષણા દરેક ફૂટબોલ ફેન્સ માટે ભાવનાત્મક હતી. આર્જેન્ટિનાના સુપરસ્ટાર મેસી ફેરવેલ સ્પીચ દરમિયાન ધ્રુસકે ને ધ્રુસકે રડી પડ્યો હતો. પોતાની વિદાયવેળાએ આંખમાંથી આંસુ અટકતા જ નહોતા. દોઢ મિનીટથી વધારે ઉભા રહીને લોકોએ તાળીઓ પાડી અને મેસીને સન્માન આપ્યું હતુ.
ધ્રુસકે ને ધ્રુસકે રડી પડ્યો મેસી
ભાષણ દરમિયાન જ્યારે મેસી ભાવૂક થઇ ગયો ત્યારે તેની પત્ની એન્ટોનેલાએ તેને એક ટિશ્યુ પેપર આપ્યું હતું. રિપોર્ટ અનુસાર મેસીએ જે ટિશ્યુથી આંસુ લૂછ્યા હતા તે ટિશ્યુ 7.43 કરોડ રૂપિયામાં વેચાઇ રહ્યું છે. એક વ્યક્તિએ દાવો કર્યો છે કે મેસીએ આંસુ લૂછ્યા હતા તે ટિશ્યુ મેળવી લીધું છે અને ઓનલાઇન તેની જાહેરાત પણ કરી દીધી છે.
મૈકેડુયો નામનો આ શખ્સ મેસીના આંસુવાળુ ટિશ્યુ વેચી રહ્યો છે અને આ શખ્સનો દાવો છે કે મેસીના જેનેટિક પણ આ ટિશ્યુમાં સામેલ છે જે લોકોને ફૂટબોલ ખેલાડીનો ક્લોન બનાવવાની અનુમતિ આપશે. 34 વર્ષના ખેલાડીએ 21 વર્ષ બાદ બાર્સેલોના ક્લબને અલવિદા કહ્યું હતું.
13 વર્ષની ઉંમરમાં ક્લબ સાથે જોડાયો
આર્જેન્ટિનાના આ સ્ટાર ફૂટબોલરને સ્પેનિશ ફૂટબોલ ક્લબ બાર્સેલોના છોડવું પડ્યું છે. 13 વર્ષની ઉંમરમાં આ ક્લબ સાથે જોડાયા હતા અને 21 વર્ષ સુધી તે આ જ ક્લબમાંથી રમતાં રહ્યાં હતા. બાર્સેલોનાની ટીમને ભારે નાણાકીય સંકટમાંથી પસાર થવું પડી રહ્યું છે. ક્લબ પર 8000 કરોડ રૂપિયાનું દેવું છે. જ્યારે મેસીની 2017માં ક્લબથી છેલ્લી ડીલ 4900 કરોડ રૂપિયાની થઇ હતી. જેના કારણે મેસીનો કરાર ડ્રોપ કરવો પડ્યો હતો.
મેસીનું નિવેદન
રવિવારે ક્લબ તરફથી મેસીની ફેરવેલ રાખવામાં આવી હતી. કેમ્પ નોઉ સ્ટેડિયમમાં થયેલી આ ફેરવેલમાં મેસી પોતાની લાગણીઓ પર કાબૂ ન રાખી શક્યા અને રડવા લાગ્યા હતા.
બાર્સેલોના ઘર જેવું
મેસીએ કહ્યું કે, બાર્સેલોના મારા ઘર જેવું છે, 21 વર્ષ અહી વિતાવ્યા બાદ છોડવું મારા માટે મુશ્કેલ છે. મેં ક્યારેય વિચાર્યુ નહોતું કે આવો પણ એક દિવસ આવશે. હું આ ઘટના માટે તૈયાર નહોતો. સ્પેનિશ લીગના નિયમો અનુસાર મારો કોન્ટ્રાક્ટ આગળ વધારવો સંભવ નહોતો. મે મારી સેલેરી 50% ઓછી કરી દેવાની ઑફર પણ આપી પરંતુ કંઇ વાત બની નહી.