ફૂટબોલના દિગ્ગજ ડિએગો મારાડોનાને શ્રદ્ધાંજલિ આપવા માટે પોતાની જર્સી ઉતારનારા લિયોનેલ મેસીને ૬૦૦ યૂરો (લગભગ ૫૩,૦૦૦ રૂપિયા)નો દંડ ફટકારવામાં આવ્યો છે.
સ્પેનિશ ફૂટબોલ ફેડરેશનની એક સમિતિએ સ્પેનિશ લીગમાં ઓસાસુના સામે બાર્સેલોનાની જીત બાદ આ દંડ ફટકાર્યો. આર્જેન્ટિનાના સ્ટાર ખેલાડી મેસ્સીએ ગોલ કર્યા બાદ બાર્સેલોનાની જર્સી ઉતારીને મારાડોનાની જૂની ક્લબની વેલ્સ ઓલ્ડ બોયઝની જર્સી પહેરી. ત્યાર બાદ બંને હાથ ઊંચા કરીને ચુંબન કર્યું.
મેચ બાદ મેસીએ પોતાની આ તસવીર સાથે મારાડોનાની તસવીર પોસ્ટ કરીને કેપ્શન લખી હતીઃ 'ફેરવેલ, ડિએગો.'
મેસીએ ૬૦૦ યુરો ઉપરાંત બાર્સેલોના ક્લબ દ્વારા લગાવાયેલો ૧૮૦ યુરો (લગભગ ૧૬,૦૦૦ રૂપિયા)નો દંડ પણ ભરવો પડ્યો હતો. મેસીને તેની આ હરકત બદલ યલોકાર્ડ પણ દેખાડવામાં આવ્યું હતું. મેસી અને બાર્સેલોના ક્લબ આ ચુકાદા સામે અપીલ કરી શકે છે. ઉલ્લેખનીય છે કે આર્જેન્ટિનાના મહાન ફૂટબોલર ડિએગો મારાડોનાનું ૬૦ વર્ષની ઉંમરે તાજેતરમાં નિધન થયું હતું.