આર્જેન્ટિના માટે આ મેચમાં કેપ્ટન લિયોનેલ મેસ્સી અને યુવા સ્ટાર જુલિયન અલ્વારેઝે ગોલ કર્યા હતા. મેચનો પહેલો ગોલ મેસ્સીએ 35મી મિનિટે કર્યો હતો.
આર્જેન્ટિનાએ ફૂટબોલ વર્લ્ડ કપની ક્વાર્ટર ફાઇનલમાં પોતાનું સ્થાન નક્કી કરી લીધું
ગોલકીપર માર્ટિનેઝે અંતમાં આર્જેન્ટિનાને બચાવ્યું
10મી વખત ક્વાર્ટર ફાઇનલમાં આર્જેન્ટિના
આર્જેન્ટિનાએ શનિવારે એટલે કે 3 ડિસેમ્બરે રાત્રે ઓસ્ટ્રેલિયાને હરાવીને ફૂટબોલ વર્લ્ડ કપની ક્વાર્ટર ફાઇનલમાં પોતાનું સ્થાન નક્કી કરી લીધું છે. ભારે રસાકસીવાળા મેચમાં તેને 2-1થી જીત મેળવી હતી. હવે તે અંતિમ-8માં નેધરલેન્ડની ટીમ સામે ટકરાશે. જણાવી દઈએ કે નેધરલેન્ડે પ્રી-ક્વાર્ટર ફાઇનલમાં અમેરિકાને હરાવ્યું હતું. હવે આર્જેન્ટિના અને નેધરલેન્ડ વચ્ચે શુક્રવારે (9 ડિસેમ્બર) ક્વાર્ટર ફાઈનલ મેચ રમાશે.
જણાવી દઈએ કે આર્જેન્ટિના માટે આ મેચમાં કેપ્ટન લિયોનેલ મેસ્સી અને યુવા સ્ટાર જુલિયન અલ્વારેઝે ગોલ કર્યા હતા. મેચનો પહેલો ગોલ મેસ્સીએ 35મી મિનિટે કર્યો હતો. સિનિયર લેવલ પર મેસ્સીની આ 1000મી મેચ હતી અને તેને પોતાની આ યાદગાર મેચમાં ગોલ કરીને ટીમને જીત અપાવી હતી. અત્યાર સુધીની 1000 મેચોમાં તેને 779 ગોલ અને 338 આસિસ્ટ કર્યા છે સાથે જ તેના પાંચમા વર્લ્ડ કપમાં પણ તેને પ્રથમ વખત નોકઆઉટ મેચમાં ગોલ કર્યો હતો.
ગોલકીપર માર્ટિનેઝે અંતમાં આર્જેન્ટિનાને બચાવ્યું
મેચમાં મેસ્સીના ગોલને કારણે પ્રથમ હાફમાં આર્જેન્ટિના 1-0થી આગળ હતું અને અલ્વારેઝે તેના બીજા હાફમાં ગોલ કર્યો હતો. તેને 57મી મિનિટે બોલને ગોલપોસ્ટમાં નાખ્યો હતો અને મેચની 77મી મિનિટે ઓસ્ટ્રેલિયાનું નસીબ ખુલતું જોવા મળ્યું હતું. ક્રેગ ગુડવિને ઓસ્ટ્રેલીયા માટે ખાતું ખોલ્યું હતું. જો કે આ પછી પણ ઓસ્ટ્રેલીયાને એક મોકો મળ્યો હતો પણ આર્જેન્ટિનાના ગોલકીપર એમી માર્ટિનેઝે તેને રોકી અને ટીમને જીત અપાવી.
10મી વખત ક્વાર્ટર ફાઇનલમાં આર્જેન્ટિના
જણાવી દઈએ કે આર્જેન્ટિનાની ટીમ વર્લ્ડ કપના ઇતિહાસમાં 10મી વખત ક્વાર્ટર ફાઇનલમાં પહોંચી છે અને અત્યાર સુધી ચાર વખત ક્વાર્ટર ફાઇનલમાં હારી છે. 1966, 1998, 2006 અને 2010ના અંતિમ-8માં તે હારી હતી. ટીમ ક્વાર્ટર ફાઇનલમાં જીત્યા બાદ દરેક વખતે ફાઇનલમાં પહોંચી છે.