Saturday, August 17, 2019
સબસ્ક્રાઈબ કરો VTVGujarati ન્યુઝ Whatsapp

ટેક્નોલોજી / Whatsapp પર તમે મોકલેલા મેસેજ સામે બદલાઈ તો નથી જતા ને, સામે આવ્યું ગંભીર કારણ

Whatsapp પર તમે મોકલેલા મેસેજ સામે બદલાઈ તો નથી જતા ને, સામે આવ્યું ગંભીર કારણ

રિસર્ચર્સે જણાવ્યું કે હેકર્સ Whatsapp પ્રાઇવેટ અને ગ્રુપ ચેટને હેક કરી શકે છે અને જો કોઇ ગ્રુપ ચેટ દરમિયાન પ્રાઇવેટ મેસેજ મોકલે છે તો હેકર્સ એને ગ્રુપમાં વિઝિબલ કરી દે છે.

છેલ્લા કેટલાક મહિનાથી Whatsapp કોઇને કોઇ કારણોથી ચર્ચામાં રહે છે. હવે ફરીથી એક વખત રિરર્ચર્સે ઇન્સ્ટેન્ટ મેસેજિંગ સર્વિસ Whatsapp ને લઇને મોટા ગોટાળાનો દાવો કર્યો છે. જાણીતી ઇઝરાયલી સિક્યુરિટી કંપની ચેક પોઇન્ટે લાસ વેગાસમાં બુધવારે થયેલા એનુઅલ બ્લેક હેટ કોન્ફ્રેન્સમાં કહ્યું કે Whatsapp મેસેજને હેક કરીને માત્ર મેસેજને નહીં પરંતુ મોકલનારની ઓળખને પણ બદલી શકાય છે. જણાવીએ કે આ પહેલી વખત નથી જ્યારે Whatsapp માં આ પ્રકારની કોઇ ખામી જણાવવામાં આવી હોય. ગત વર્ષે પણ આ સમસ્યાને લઇને ચિંતા વ્યક્ત કરવામાં આવી હતી. જેના કારણે સમગ્ર દુનિયામાં યૂઝર્સની ચિંતા વધી ગઇ છે. 

શું છે સમગ્ર મામલો?
રિસર્સર્ચે જણાવ્યું કે હેકર્સ પ્રાઇવેટ અને ગ્રુપ ચેટને હેક કરી શકે છે. અને જો કોઇ ગ્રુપ દરમિયાન પ્રાઇવેટ ચેટ મોકલે છે તો હેકર્સ એ ગ્રુપમાં વિઝિબલ કરી દે છે. રિસર્ચર્સે વોટ્એસપની ખામીને એક ટૂલ દ્વારા જણાવવાનો પ્રયત્ન કર્યો છે. આ ટૂલના ઉપયોગથી એવું જણાવવામાં આવ્યું છે કે કેવી રીતે હેકર્સ પ્રાઇવેટ અને ગ્રુપ ચેટને હેક કરી શકે છે. આટલું જ નહીં વોટ્સએપના 'quote' ફંક્શન દ્વારા આ યૂઝર્સની ઓળખ બદલવા ઉપરાંત મોકલવામાં આવેલા મેસેજને પણ પૂરી રીતે બદલી શકો છો. એમાં એ મેમ્બરને પણ ગ્રુપનો ભાગ દેખાડવમાં આવી શકે છે જે ક્યારેય ગ્રુપનો ભાગ હતો જ નહીં. રિસર્ચર્સે વીડિયો જારી કરીને જણાવવાનો પ્રયત્ન કર્યો છે કે યૂઝર્સ કેવી રીતે ચેટને બદલી શકે છે. 

ગત વર્ષે જ ખબર પડી ગઇ હતી ખામી?
હકીકત, Whatsapp ની ખામીની જાણ ગત વર્ષે એટલે કે વર્ષ 2018ના અંતમાં જાણ થઇ હતી, પરંતુ એ વખતે કંપની દ્વારા એને ઠીક કરવા માટે જરૂરી પગલા ભરવામાં આવ્યા નહતા. જો કે રિપોર્ટમાં જણાવવામાં આવ્યું છે કે Whatsapp ના ગ્રુપ અને પ્રાઇવેટ ચેટમાં આવેલા ગોટાળાને ઠીક કરી નાંખવામાં આવ્યો છે જેમાં પ્રાઇવેટ મેસેજ તમામ ગ્રુપ મેમ્બર્સને જોવા મળતા હતા. પરંતુ બાકી બે ખામીઓને હાલ ઠીક કરવાની બાકી છે. ફેસબુકે આ માટે સ્પષ્ટીકરણ આપતા રિસર્ચર્સે કહ્યું કે સીમિત ઇન્ફ્રાસ્ટ્રાક્ચરના કારણે Whatsapp બાકી બે ખામી હજુ સુધી ઠીક થઇ શકી નથી. 

હેકર્સ હાલ પણ Whatsapp  મેસેજને બદલવાની સાથે જ ઓનલાઇન સ્કેમને પણ અંજામ આપી શકે છે. Whatsapp એ આ માટે હજુ સુધી કોઇ સત્તાવાર નિવેદન આપ્યું નથી. જો કે ગત વર્ષના ચેકપોઇન્ટ રિપોર્ટના જવાબમાં એને એપમાં આ પ્રકારની કોઇ પણ ગોટાળો માનવાની ના પાડી દીધી હતી. 
 

જોવા જેવું વધુ જુઓ

બ્રેકિંગ ન્યૂઝ