બેંકોના મર્જરના કારણે એકાઉન્ટ નંબરથી લઇને ATM-ચેકબુક બદલાશે પેપરવર્કનો બોજ વધશે

બેંક ઑફ બરોડા વિજયા બેંક અને દેના બેંકના મર્જર થયા પછી દેશમાં સરકારી બેંકોની સંખ્યા ઓછી થઇ જશે. જોકે આ મર્જરની અસર ગ્રાહકો પર પણ પડશે કેમકે આ તમામ બેંકોનું નામ એકાઉન્ટ નંબર ATM અને ચેકબુક પણ પડવી શકે છે.

બનશે દેશની ત્રીજી સૌથી મોટી બેંક:

આ મર્જર થયા બાદ તે ભારતની ત્રીજા નંબરની સૌથી મોટી સરકારી બેંક બની જશે. નાણામંત્રી અરૂણ જેટલીએ પ્રેસ કોન્ફરન્સ કરી આ જાહેરાત કરી છે. જેટલીએ જણાવ્યું કે સરકારે બેંક ઓફ બરોડા વિજયા બેંક અને દેના બેંકના મર્જર કરી દેશની ત્રીજી સૌથી મોટી સરકારી બેંક બનાવવાનો પ્રસ્તાવ મુક્યો છે. આગામી દિવસોમાં ત્રણેય બેંકના મર્જરની પ્રક્રિયા હાથ ધરવામાં આવશે. સરકારી બેંકોની સંખ્યા ઓછી કરી તેની નાણાકીય ક્ષમતાને વધારવાનો તેમજ સંકટગ્રસ્ત એકાઉન્ટ્સ ઘટાડવાનો કેન્દ્ર સરકારને ઉદ્દેશ છે.

ફરી ખોલાવું પડશે ખાતું:

આ ત્રણે બેંકોના મર્જરથી બેંક ગ્રાહકોએ નવી બેંકમાં ફરીથી પોતાનું એકાઉન્ટ ખોલાવવુ પડશે. તેનાથી પેપર વર્ક પણ ખૂબ જ વધી જશે. ગ્રાહકોએ એકાઉન્ટ ખોલાવા માટે ફરી એકવાર KYCની પ્રક્રિયા કરવી પડશે. KYC થયા બાદ ગ્રાહકોને નવી ચેકબુક ATM કાર્ડ અને પાસબુક મળશે.

જમા રાશિ રહેશે સુરક્ષિત:

આ ત્રણેય બેંકોમાં રહેલી જમા રાશિ સંપૂર્ણ રીતે સુરક્ષિત રહેશે. જો કે મર્જર થયાં બાદ જ્યારે નવી બેંક અસ્તિત્વમાં આવશે તો ફરીથી ગ્રાહકોએ કેટલાંક સમય માટે ખાતાનાં ટ્રાન્જેક્શ બંધ કરવા પડશે. કારણ કે બધું જ નવેસરથી શરૂ થશે અને બેન્ક તેટલા સમય માટે બેંક તમારા એકાઉન્ટમાં કોઇપણ ટ્રાન્જેક્શન કરવા પર રોક લગાવી શકે છે.

લોન પર નહી પડે અસર:

બેંકોનો વિલય થવાથી તમારી લોન અને વ્યાજ દર પર કોઇ ખાસ અસર નહી થાય. જ્યારે કોઇ બેંકનું અન્ય બેંક સાથે વિલય થાય છે તો લોન અમાઉન્ટ તે બેંક માં ટ્રાન્સફર થઇ જાય છે અને ચાલુ વ્યાજદર જ લાગુ થાય છે.

85000 કર્મચારીઓની સંખ્યા:

મર્જર પછી દેશની સૌથી મોટી બેંક હશે જેનો કુલ વેપાર 14 82 422  કરોડ રૂપિયા અને તેમાં 85 675 કર્મચારીઓ અને અધિકારી હશે. આ સમયે બેંક ઓફ બરોડમાં 56 361 વિજયા બેંકમાં 15784 જ્યારે દેના બેંકમાં 13440 કર્મચારી છે. જોકે બેંક મોટી થતાં તેનો સીધો ફાયદો કર્મચારીઓને મળશે તેમના પગારમાં વધારો થઇ શકે છે. 

ખુશ છે બેંકોના અધિકારી:

બેંક ઓફ બરોડાના MD-CMDએ જણાવ્યુ કે આ નિર્ણયથી બેંકને ફાયદો થશે બેંકનો સ્કેલ વધશે અને વધારે પ્રોડક્ટ ઑફર કરી શકે છે જેના કારણે ગ્રોથની સારી આશા છે. જ્યારે વિજય બેંકના CMDએ કહ્યુ કે આ મર્જર પછી કર્મચારીઓને નુકસાન નહી થાય. 3 બેંકોમાં સરકારની 70% ભાગીદારી છે. મર્જર થવામાં મુશ્કેલી નહી પડે સરકારે પ્રર્યાપ્ત પૂંજી આપવા માટે ભરોસો આપ્યો છે.