ન્યાયિક ફેંસલો / ખાલી FIRથી નહીં અટકે હેટ સ્પીચ, સુપ્રીમ કોર્ટે દેખાડ્યો નફરતી ભાષણને અટકાવવાનો ઉપાય, સરકારને શું કહ્યું

• હેટ સ્પીચ મામલે સુપ્રીમમાં ચાલી સુનાવણી
• હેટ સ્પીચ અટકાવવા શું પગલાં ભર્યાં
• સરકાર પાસેથી માગ્યો જવાબ
• એવું પણ કહ્યું કે ખાલી ફરિયાદ કરવાથી હેટ સ્પીચ નહીં અટકે 

સુપ્રીમ કોર્ટે મંગળવારે હેટ સ્પીચના કેસની સુનાવણી કરતા કહ્યું છે કે, કોમી એકતા જાળવી રાખવા માટે હેટ સ્પીચનો ત્યાગ એક મૂળભૂત જરૂરિયાત છે. આ સાથે જ કોર્ટે કેન્દ્ર સરકારને પૂછ્યું કે માત્ર એફઆઈઆર નોંધવાથી હેટ સ્પીચની સમસ્યાનો ઉકેલ નહીં આવે, આ માટે શું કાર્યવાહી કરવામાં આવી છે? જસ્ટીસ કે.એમ. જોસેફ અને બી વી નાગરથનાની ખંડપીઠે નફરતભર્યા ભાષણ સામેની અરજીની સુનાવણી કરતી વખતે આવી ટીપ્પણીઓ કરી હતી.  સુપ્રીમ કોર્ટે સોલિસિટર જનરલ તુષાર મહેતાને એ પણ પૂછ્યું હતું કે માત્ર ફરિયાદ દાખલ કરવાથી નફરતભર્યા ભાષણની સમસ્યાનો ઉકેલ ન આવી શકે. 

Merely lodging FIR not going to solve problem of hate speech, what action has been pursuant to that: SC asks Centre

— Press Trust of India (@PTI_News) March 28, 2023

નફરતભર્યા ભાષણની સમસ્યાને સ્વીકારે તો જ તેનો ઉકેલ
સુપ્રીમે કહ્યું કે નફરતભર્યા ભાષણ પર કોઈ બાંધછોડ ન થઈ શકે.  જો રાજ્ય નફરતભર્યા ભાષણની સમસ્યાને સ્વીકારે તો જ તેનો ઉકેલ શોધી શકાય છે. નાગરિકોને આવા હેટ ક્રાઈમથી બચાવવા સરકારની પ્રાથમિક ફરજ છે.જસ્ટિસ કેએમ જોસેફ અને જસ્ટિસ બી વી નાગરથનાની બેન્ચે કહ્યું કે, "જ્યારે હેટ ક્રાઇમ સામે કાર્યવાહી કરવામાં આવતી નથી, ત્યારે એક એવું વાતાવરણ સર્જાય છે જે ખૂબ જ ખતરનાક છે અને તેને આપણા જીવનમાં જડમૂળથી ઉખેડી નાખવું પડે છે. 

Abjuring hate speech is fundamental requisite for maintenance of communal harmony: Supreme Court

— Press Trust of India (@PTI_News) March 28, 2023

નફરતી ભાષણ દેશની મોટી સમસ્યા
ઉલ્લેખનીય છે કે નફરતી ભાષણ દેશની મોટી સમસ્યા બની રહી છે. ચૂંટણીઓમાં કે કોઈ બીજા પ્રસંગે નેતાઓ નફરતી ભાષણનો ઉપયોગ કરતાં હોય છે જેને કારણે સમાજમાં વેરઝેર પેદા થતું હોય છે અને આ સમસ્યાને અટકાવવા સુપ્રીમ કોર્ટે પ્રતિબદ્ધ છે.