અમદાવાદનાં નવા નરોડા વિસ્તારમાં રહેતા ગોપાલન નામ્બિયાર અને તેમના પત્નિએ તેમની દિકરી પ્રિયા નામ્બિયાર સામે ગંભીર આક્ષેપ કર્યા છે. ત્યારે તેઓએ આ બાબતે પોલીસ સ્ટેશનમાં અરજી આપી હોવા છતાં પોલીસે કોઈ કાર્યવાહિ કરી નથી.
અમદાવાદમાં ચકચારી ઘટના સામે આવી
GST વિભાગમાં ફરજ બજાવતી મહિલા સામે ગંભીર આક્ષેપ
પ્રિયા નામ્બિયારના માતા-પિતાએ પોતાની દિકરી સામે કર્યા આક્ષેપ
આજના જમાનામાં સ્ત્રી શસક્તિકરણની અનેક વાતો કરવામાં આવે છે અને એવુ પણ કહેવાય છે કે દિકરા કરતા દિકરીઓ માતા - પિતાની વધુ સારી રીતે સેવા કરતી હોય છે પરંતુ અમદાવાદમાં એક ચકચારી ઘટના સામે આવી છે. અમદાવાદના આંબાવાડી ખાતે GST વિભાગમાં ફરજ બજાવતી પ્રિયા નામ્બિયાર સામે તેમના જ માતા-પિતા અને બહેન ઘર વહેંચી પૈસા પડાવી લેવાની અને માર મારી ઘરની બહાર કાઢી દેવાની ફરિયાદ કરી રહ્યાં છે.
અમદાવાદના નવા નરોડા વિસ્તારમાં રહેતા ગોપાલન નામ્બિયાર અને તેમના પત્નીએ vtv સમક્ષ તેમની દિકરી પ્રિયા નામ્બિયાર સામે આક્ષેપ કરતા જણાવ્યુ હતુ કે પ્રિયાને થોડા વખતથી તેમના પતિ સાથે અણબનાવ હોવાથી તે પોતાની દિકરી સાથે એકલી રહેતી હોવાથી અમને અમારા ઘરેથી તેમના ઘરે રહેવા બોલાવ્યા હતા. અને એ દરમિયાન પ્રિયાએ પોતાના માતા-પિતાનું ઘર 30 લાખથી વધુની રકમમાં વહેંચી દિઘુ હતુ. જેમાંથી અમને 25 લાખનું મકાન લઇ આપ્યુ હતુ અને બાકીના 9 લાખ આપ્યા નથી. સાથે સાથે પિતાની FDમાં રહેલ 6 લાખ રૂપિયા પણ ઉઠાવી લિધા હતા. પિતાના મતે દિકરી પર ભરોસો હોવાથી બેંકોમાં પ્રિયાના જ નંબર આપેલા હતા. જેથી તેણે આવુ પગલુ ભરી વિશ્વાસઘાત કર્યો. માતા-પિતાને પોતાના ઘરે બોલાવ્યા બાદ અચાનક એક રાત્રે માર મારી ઘરની બહાર કાઢી મુક્યા હતા.
અરજી આપ્યા બાદ હજુ સુધી પોલીસ ફરિયાદ નોંધી રહી નથીઃગોપાલન નામ્બિયાર
સમગ્ર ઘટના વિશે વાત કરતા પ્રિયા નામ્બિયારના માતા-પિતાની આંખોમાં આંસુ આવ્યા હતા. તેમણે વધુમાં જણાવ્યુ હતુ કે સમગ્ર ઘટનાને લઇ તેઓ છેલ્લા ઘણા દિવસથી કૃષ્ણનગરની આધેશ્વર પોલીસ ચોકીના ચક્કર કાપી રહ્યાં છે. પરંતુ અરજી આપ્યા બાદ પણ હજુ સુધી પોલીસ ફરિયાદ નોંધી નથી રહીં અને એવુ જણાવી રહીં છે કે અમે તમારા પૈસા પરત કરાવી શકીએ નહીં.
બેંકમાંથી ચેક બાઉન્સનો ફોન આવતા સમગ્ર મામલો ખુલ્યો
પ્રિયા નામ્બિયારની બહેન સ્મિતા જણાવે છે કે પતિ સાથે અણબનાવ ચાલતો હોવાથી પ્રિયા અઢી મહિના જેટલો સમય તેમના ઘરે દિકરી સાથે રહી હતી. એ દરમિયાન સ્મિતાએ પોતાના સંતાનની ફી ભરવા માટે રાખેલો કોરો ચેક અને સોનાના દાગીનાની ચોર પ્રિયાએ કરી હતી. જેની જાણ બેંકમાંથી ચેક બાઉન્સનો ફોન આવતા સ્મિતાને થઇ હતી. બેંકમાંથી ફોન આવતા સમગ્ર મામલો ખુલ્યો હતો કે પ્રિયાએ કોરા ચેકમાં 5 લાખની રકમ લખી બેંકમાં આપ્યો હતો જેની ફરિયાદ સ્મિતાએ સાયબર ક્રાઇમમાં કરી છે. તેમ છતા પણ કોઇ કાર્યવાહી પોલીસ કરી રહીં નથી.
પ્રિયા નામ્બિયારે ફોન કોલ કે મેસેજના કોઈ જવાબ આપ્ય નથી
GST વિભાગમાં ફરજ બજાવતા અધિકારી પ્રિયા નામ્બિયાર સામેના માતા-પિતા અને બહેનના આક્ષેપો ગંભીર છે. સવાલ એ થઇ રહ્યો છે કે તમામ પુરાવાઓ પોલીસને આપવા છતા પણ પોલીસ શા માટે કોઇ કાર્યવાહી કરી નથી રહીં. શું GST વિભાગમાં અધિકારી હોવાના લીધે પોલીસ કાર્યવાહી નથી ? આ મામલે પ્રિયા નામ્બિયારનો સંપર્ક કરવા પણ કર્યો હતો. પરંતુ પ્રિયા નામ્બિયારે ફોન કોલ કે મેસેજના કોઇ જવાબ આપ્યા નથી જેથી તેમનો પક્ષ જાણી શકાયો નથી.