ચર્ચાસ્પદ / ભારતમાં મર્સિડીઝ-બેન્ઝના CEO ટ્રાફિકમાં બરાબરના ફસાયા, રિક્ષા પકડીને કરી એવી પોસ્ટ કે થઈ ગઈ વાયરલ

• મર્સિડીઝ-બેન્ઝ ઈન્ડિયાના એમડીની ઈન્સ્ટાગ્રામ પોસ્ટ ચર્ચાનો વિષય બની
• રીક્ષામાં બેસીને પ્રવાસ કરતી એક તસ્વીર શેર કરી 
• યુઝર્સે સીઈઓ સાહેબનો આ અંદાજ જોઇને વખાણ કર્યા 

મર્સિડીઝ-બેન્ઝ ઈન્ડિયાના એમડી ટ્રાફિકમાં ફસાયા પછી…

મર્સિડીઝ-બેન્ઝ ઈન્ડિયાના એમડી અને સીઈઓ માર્ટિન શ્વેંકની એક ઈન્સ્ટાગ્રામ પોસ્ટ સોશિયલ મીડિયામાં ચર્ચાનો વિષય બની છે. તેમણે રીક્ષામાં બેસીને પ્રવાસ કરતી એક તસ્વીર શેર કરી અને જણાવ્યું કે તેઓ પોતાની S-Class કારના ટ્રાફિકમાં ફસાયા બાદ રીક્ષા લઇને નિકળી ગયા. જેના પર યુઝર્સ પ્રતિક્રિયા આપી રહ્યાં છે. જ્યાં અમુક યુઝર્સ સીઈઓ સાહેબનો આ અંદાજ જોઇને તેમને ડાઉન ટુ અર્થ જણાવી રહ્યાં છે, તો અમુક લોકોનુ કહેવુ છે કે અમે તો કારમાં બેસીને લક્ઝરીની મજા લઇએ છીએ. ઉલ્લેખનીય છે કે થોડા દિવસો પહેલા બેંગ્લોરના ટ્રાફિક જામમાં પોતાની કાર ફસાયા બાદ ગેસ્ટ્રોએન્ટ્રોલોજી સર્જન ડૉકટર ઈમરજન્સી સર્જરી માટે દોડતા હોસ્પિટલ પહોંચ્યા. જેનો વીડિયો પણ વાયરલ થયો હતો. 

 

 

 

 

View this post on Instagram

 

 

 

 

 

 

 

 

 

 

 

A post shared by Martin Schwenk (@martins_masala)

શું છે સમગ્ર મામલો 

માર્ટિન શ્વેંકે ઈન્સ્ટાગ્રામમાં 29 સપ્ટેમ્બરે એક તસ્વીર પોસ્ટ કરી અને કેપ્શનમાં લખ્યું, જો પુણેના સારા રસ્તા પર તમારી એસ-ક્લાસ મર્સિડીઝ કાર ફસાઈ જાય તો તમે શું કરશો? કદાચ કારમાંથી ઉતરીને થોડા કિલોમીટર ચાલવાનુ શરૂ કરશો અને પછી રિક્ષા લઇ લેશો? તેમની આ પોસ્ટને અત્યાર સુધી લગભગ સાત સો લાઈક્સ અને સેકડો કોમેન્ટ મળી છે. માર્ટીનની પોસ્ટ પર યુઝર્સે અલગ-અલગ પ્રતિક્રિયા આપી. એક યુઝરે લખ્યું કે તમે ડાઉન ટુ અર્થ માણસ છો. તો અન્ય યુઝરે લખ્યું, હું તો તેમ છતા એસ-ક્લાસમા જ બેઠો રહ્યો હોત અને અમીરીની મજા લેત.