જો તમારી પાસે રાશન કાર્ડ છે તો તમારે લાંબી લાઈનમાં લાગવાની જરૂર નથી. તમે ઘરે બેઠા તમારા મોબાઈલની મદદથી Mera Ration appને યૂઝ કરી શકો છો. આ એપ ભારત સરકાર દ્વારા શરૂ કરાયેલી વન નેશન વન રાશન કાર્ડ યોજનાનો ભાગ છે. આ એપની મદદથી તમે ઘરે બેસીને રાશનને બુક કરી શકો છો. તેની મદદથી તમને રાશન મેળવવામાં સરળતા રહેશે. Mera Ration app ની મદદથી તમને કઈ કઈ સુવિધાઓ મળે છે તે પણ જાણો અને કઈ રીતે સામાન તમારા ઘર સુધી પહોંચી જશે તેની પ્રોસેસ પણ. ખાસ કરીને પ્રવાસી લોકો માટે આ એપ ખૂબ જ મદદગાર બની શકે છે.
રાશનની મળશે જાણકારી
મોબાઈલ એપમાં પોતાના રાશન કાર્ડને રજિસ્ટર કરી શકાય છ. તેને ડાઉનલોડ પણ કરી શકાય છે. રાશન કાર્ડથી આધાર લિંક છે કે નહીં તે જોઈ શકાય છે. રાશન કાર્ડ પર કેટલું રાશન અપાયું છે અને આસપાસ કેટલા ડીલર છે તેની જાણકારી પણ મેળવી શકાય છે. ડીલર ઘરથી કેટલે દૂર છે, તેના લાયસન્સ નંબર, નામ, એડ્રેસ બધું જોઈ શકાય છે. ડીલર બદલવાની સુવિધા પણ એપ પર મળે છે.
મોબાઈલમાં કેવી રીતે લેશો આધાર કાર્ડ
સૌ પહેલા પ્લે સ્ટોરથઈ એપને ડાઉનલોડ કરો. મોબાઈલ એપમાં રજિસ્ટ્રેશન વિકલ્પ મળશે. જ્યારે તમે અન્ય રાજ્યમાં જાઓ છો તો નંબર નાંખતા જ તમામ માહિતી તમારી પાસે આવી જશે. જેટલા સભ્યો રાશન કાર્ડથી જોડાયેલી હશે તેની માહિતી પણ મળશે અને સાથે આધાર નંબર પણ દેખાશે તમે જાણી શકશો કે તમને કેટલા ઘઉં અને ચોખા મળશે અને તેની કિંમત કેટલી રહેશે. તમે કેટલું અનાજ લીધુ છે અને કેટલુ લેવાનું બાકી છે.
આધાર સીડિંગની સુવિધા
જો તમે જાણવા ઇચ્છો છો કે તમારું રાશન કાર્ડ વન નેશન વન રાશન કાર્ડ યોજનામાં છે કે નહીં તો એપમાં તેની સુવિધા પણ છે. મોબાઈલ એપમાં એલિજિબિલિટીનું ઓપ્શન અપાયું છે. તેની પર ક્લિક કરતાં તમારા રાશન કાર્ડ નંબરને પૂછાશે. તે ભરો અને તમને તમારું રાશન કાર્ડ યોજનામાં છે કે નહીં તેની જાણકારી મળી જશે. જો રાશન કાર્ડ આધાર સાથે જોડાયલું નથી તો તમે તેને સરળતાથી જોડી શકો છો. આ કામ આધાર સીડિંગના ઓપ્શનમાં જઈને કરી શકો છો.
Mera Ration app ને કેવી રીતે કરશો ડાઉનલોડ અને કેવી રીતે કરશો ઉપયોગ
સૌ પહેલાં તો Google Play Store પર જાઓ.
અહીં સર્ચ બોક્સમાં Mera Ration app શોધો.
Mera Ration app એપને ડાઉનલોડ અને ઈન્સ્ટોલ કરો.
Mera Ration app એપને ઓપન કરો.
તમારા રાશન કાર્ડની ડિટેલની મદદથી રજિસ્ટ્રેશન કરો.
પ્રવાસી લોકોને થશે મોટો ફાયદો.
એપની મદદથી રાશનની દુકાનની પણ મળશે જાણકારી.
રાશન કાર્ડ હોલ્ડર્સ પોતાના સૂચનો આપી શકશે.
રાશન સંબંધિત જાણકારી પણ મળી રહેશે,
કાર્ડ હોલ્ડર મળતા અનાજની જાણકારી પોતે લઈ શકશે.
દરેકને સરળતાથી મળશે રાશન.
તમારી નજીકની દુકાનને જાણી શકો છો
મેરા રાશન એપની મદદથી યૂઝર્સ ટેપ કરીને તેની નજીકની રાશનની દુકાન શોધી શકે છે. આ સિવાય પોતાને કેટલું રાશન મળી રહ્યું છે તેની જાણકારી પણ મેળવી શકે છે. આ એપ હિંદી અને અંગ્રેજી 2 ભાષામાં કામ કરે છે. અન્ય 14 ભાષામાં જલ્દી તેને લોન્ચ કરાશે. સૌથી મોટી વાત તો એ છે કે ક્યારે અને કઈ દુકાનેથી રાશન મળી શકશે તેની જાણકારી પણ એપની મદદથી મળી રહે છે.
ગૂગલ પ્લે સ્ટોરથી કરી શકાય છે ડાઉનલોડ
ભારત સરકારે રાશન કાર્ડ ધારકોને માટે મેરા રાશન એપના નામથી મોબાઈલ એપ લોન્ચ કરી છે. જેમાં કાર્ડધારકોને નજીકની રાશનની દુકાનની સાથે રાશન કાર્ડમાં પોતાની સ્થિતિ અને રાશન કાર્ડ ધારકોને મળનારી સુવિધાની જાણકારી પણ મળે છે. મેરા રાશન મોબાઈલને એન્ડ્રોઈડ ફોનને માટે લોન્ચ કરાયું છે. તેને યૂઝર્સ ગૂગલ પ્લે સ્ટોરથી ડાઉનલોડ કરી શકે છે. 12 એપ્રિલ સુધી દેશમાં 5 લાખ કાર્ડધારકો આ મોબાઈલ એપને લોડ કરી ચૂક્યા છે.