મહત્વનું / આવા લાઈફ પાર્ટનરના કારણે જીવતેજીવ નરક બની જાય છે જીવન, ગરૂડ પુરાણમાં છે તેનો ઉલ્લેખ

• ગરૂડ પુરાણમાં જન્મ-મૃત્યુ અને જીવનને લઈને જણાવાઈ છે ઘણી વાતો
• ગરૂડ પુરાણમાં લાઈફ પાર્ટનર વિશે કરવામાં આવ્યો છે ઉલ્લેખ 
• આવા લાઈફ પાર્ટનર જીવનને બનાવી શકે છે નરક 

હિન્દુ ધર્મમાં ગરુડ પુરાણને મહાપુરાણ માનવામાં આવે છે. આમાં માત્ર જન્મ અને મૃત્યુ વિશે જ નહીં પરંતુ જીવન જીવવાની રીત વિશે પણ ઘણી મહત્વપૂર્ણ વાતો કહેવામાં આવી છે. આ વાતો જીવનમાં અપનાવવામાં આવે તો જીવન સુખી બને છે. 

ત્યાં જ જો તેમને અવગણવામાં આવે તો સારું જીવન પણ નરક બની શકે છે. આજે આપણે ગરુડ પુરાણમાં જણાવેલી કેટલીક એવી બાબતો વિશે જણાવીએ જે રિલેશન અને લાઈફ પાર્ટનર સાથે સંબંધિત છે.

જીવનને કષ્ટોથી ભરી દે છે આવા જીવનસાથી 
જીવનને સુખી અને દુઃખદાયક બનાવવામાં જીવનસાથીનો મોટો ફાળો હોય છે. જો જીવન સાથી સારો હોય તો વ્યક્તિ મોટા પડકારોને પણ સરળતાથી પાર કરી લે છે. બીજી તરફ લાઈફ પાર્ટનર યોગ્ય ન હોય તો સારું જીવન પણ નર્ક બની જાય છે. ચાલો જાણીએ કે કેવો લાઈફ પાર્ટનર જીવનમાં ઘણી પરેશાનીઓ અને કષ્ટોનું કારણ બની શકે છે.

આવા લાઈફ પાર્ટનરના કારણે નરક બની જાય છે જીવન 
પતિ-પત્નીના સંબંધને જન્મો જનમનો સંબંધ માનવામાં આવે છે. પરંતુ જીવનસાથી સારો ન હોય તો વર્તમાન જીવન નરક જેવું બની જાય છે. આવો જીવન સાથી જે તમને પ્રેમ નથી કરતો, તમારો આદર નથી કરતો, દરેક સમયે ઝઘડા કરતો રહે છે, તો તે તમારા સારા જીવનને અશાંત  બનાવી શકે છે.

કોઈ બીજા સાથે એટેચમેન્ટ
લાઈફ પાર્ટનરનું એટેચમેન્ટ કોઈ બીજી સ્ત્રી કે પુરુષ સાથે થાય તો જીવનની સુખ-શાંતિ છીનવાઈ જાય છે. પતિ-પત્નીના સંબંધોમાં પ્રામાણિકતા અને વિશ્વાસ સૌથી મહત્વની વસ્તુ છે. જો તે જ છીનવાઈ જાય છે તો આવી સ્થિતિમાં જીવનસાથીને છોડી દેવું વધુ સારું છે.

બીજાની સામે પાર્ટનરનું અપમાન
જો પતિ કે પત્ની વારંવાર બીજાની સામે અપમાન કરે છે, પોતાની જવાબદારીઓ નિભાવતા નથી તો આવા જીવનસાથી સાથે રહેવું એ નરક જેવું જીવન જીવવા જેવું છે. આખો સમય દુ:ખ અને વેદનામાં પસાર થાય છે.

પતિ-પત્નીના સંબંધને માન ન આપે 
જો પતિ-પત્ની એકબીજાના સંબંધને માન ન આપે અને આ સંબંધોનું અપમાન કરે, કોઈ કારણ વગર લડાઈ કરે, તો તેનાથી સમાજમાં બદનામી પણ થાય છે અને પતિ-પત્નીના સંબંધો પણ નબળા પડે છે. આવી સ્થિતિમાં દાંપત્ય જીવનની ખુશીઓ ખતમ થવામાં વધુ સમય લાગતો નથી.