ભારતમાં અલગ-અલગ ધર્મના લોકો રહે છે અને બધાના રીતિ-રિવાજ પણ અલગ-અલગ હોય છે. અહીં તમામ પ્રકારની ધાર્મિક પરંપરાઓ અને રિવાજો જોવા મળે છે.
ભારતમાં અલગ-અલગ ધર્મમાં અલગ પરંપરાઓ
પશ્ચિમ બંગાળમાં માં જગધાત્રીની થાય છે પૂજા
પુરૂષો સાડી પહેરીને માતાજીની કરે છે પૂજા
અનોખી પરંપરા
આ પરંપરામાંથી કેટલીક પરંપરાઓ અનોખી હોય છે, જેને સાંભળીને તમને આશ્ચર્ય પણ થશે. હિન્દુ ધર્મમાં દેવી-દેવતાઓની પૂજાને લઇને અલગ-અલગ પ્રકારની પરંપરાઓ નિભાવવામાં આવે છે. આવી જ એક પરંપરા પશ્ચિમ બંગાળના હુગલી જિલ્લાના ચંદન નગરમાં નિભાવવામાં આવે છે. આ પરંપરા એવી છે, જેના વિશે સાંભળીને તમને વિશ્વાસ નહીં આવે. આ પરંપરા મુજબ, મહિલાઓ નહીં, પરંતુ પુરૂષ સાડી પહેરીને દેવી માતાની પૂજા કરે છે. સૌથી રસપ્રદ બાબત એ છે કે આ પરંપરા એક-બે વર્ષથી નહીં, પરંતુ છેલ્લાં 229 વર્ષથી નિભાવવામાં આવી રહી છે. આવો જાણીએ છીએ આ અનોખી પરંપરા અંગે.
પુરૂષ સાડી પહેરીને માંની કરે છે આરાધના
પશ્ચિમ બંગાળના ચંદન નગરમાં આ પરંપરા દરમ્યાન માં જગધાત્રીની પૂજા કરવામાં આવે છે. આ દરમ્યાન ઘરની મહિલાઓ નહીં, પરંતુ પુરૂષ સાડી પહેરીને માતાની પૂજા કરે છે. દર વર્ષની જેમ આ વર્ષે પણ ચંદન નગરનો નજારો ખૂબ અદ્ભૂત હતો. આ વખતે પણ પૂજા દરમ્યાન પુરૂષોએ સાડી પહેરીને માં જગધાત્રીની સિંદૂર અને પાનથી આરાધના કરી હતી.
જગધાત્રીની પૂજા દરમ્યાન સર્જાય છે અલગ નજારો
બાંગ્લા સંસ્કૃતિમાં સદીઓથી માં જગધાત્રીની પૂજા દરમ્યાન અલગ નજારો જોવા મળે છે. આ દરમ્યાન પુરુષ સાડી પહેરીને અને માથા પર પલ્લુ નાખીને માં જગધાત્રીની પૂજા-અર્ચના કરે છે. દર વર્ષે આ ખૂબ મોહક દ્રશ્ય હોય છે. પૂજા દરમ્યાન આ શાનદાર નજારાને જોવા માટે મંડપ પરિસરની અંદર અને બહાર સેંકડો શ્રદ્ધાળુઓ જમા રહે છે.
અને શરૂ થઇ પરંપરા
પશ્ચિમ બંગાળની સંસ્કૃતિમાં આ પરંપરા અંગ્રેજોના શાસન વખતની છે. આ અનોખી પૂજા અંગે કહેવાય છે કે 229 વર્ષ પહેલાં જ્યારે અંગ્રેજોનું શાસન હતુ ત્યારે સાંજ પડ્યા બાદ અંગ્રેજોના ડરથી મહિલાઓ ઘરની બહાર નિકળતી ન હતી. આ દરમ્યાન ઘરના પુરૂષોએ સાડી પહેરીને માં જગધાત્રીની પૂજા કરી હતી. ત્યારબાદ તો આ એક પરંપરા બની ગઇ અને ત્યારથી પુરૂષ સાડી પહેરીને દેવી માતાની પૂજા-અર્ચના કરે છે.