આશ્ચર્યમ્ / જાણો, કેમ સ્ત્રીઓ કરતા પુરુષો વધારે કોરોનાગ્રસ્ત બની રહ્યા છે, આ કારણે કોરોનાથી જીવ ગુમાવનારાઓમાં પુરુષો વધારે

• 69 ટકા પુરુષોમાં સેક્સ હોર્મોન ટેસ્ટોસ્ટેરોનનું સ્તર ઓછું
• ટેસ્ટોસ્ટેરોનનું પ્રમાણ ઓછું હોવાને કારણે કોરોનાનું જોખમ હોઈ શકે
• પુરુષો રોગપ્રતિકારક શક્તિમાં ખલેલને કારણે મરી રહ્યા છે

સાયન્સ ટાઇમ્સના અહેવાલ મુજબ, આ અભ્યાસ કોરોના વાયરસના 45 દર્દીઓ પર કરવામાં આવ્યો હતો, જેમાં 35 પુરુષો અને 10 મહિલાઓનો સમાવેશ થાય છે. આ તમામ દર્દીઓને આઈસીયુમાં દાખલ કરવામાં આવ્યા હતા. આમાંથી નવ પુરુષો અને ત્રણ મહિલાઓના મોત નીપજ્યા હતા. જ્યારે સાત દર્દીઓએ ઓક્સિજન અને  33 દર્દીઓને વેન્ટિલેટરની જરૂરિયાત હતી.

35 પુરુષોમાંથી બે તૃતીયાંશ કરતાં વધુ લગભગ 69 ટકા પુરુષોમાં સેક્સ હોર્મોન ટેસ્ટોસ્ટેરોનનું સ્તર ઓછું હતું. આ સેક્સ હોર્મોન્સ શરીરની ઈમ્યૂન રિસ્પોન્સને નિયંત્રિત કરવામાં મદદ કરે છે. ત્યારે અધ્યયનમાં સમાવેશ પામેલી 60 ટકા સ્ત્રીઓમાં ટેસ્ટોસ્ટેરોનનું પ્રમાણ  વધારે જોવા મળ્યું છે.

પુરતા હોર્મોન્સ વગર  શરીરની  ઈમ્યૂન સિસ્ટમ યોગ્ય રીતે કાર્ય કરી શકતી નથી. જે જીવલેણ સાઈટોકિન સ્ટોર્મનું જોખમ વધારે છે. જ્યારે રોગપ્રતિકારક શક્તિ કોઈ સૂક્ષ્મજંતુને મારી નાખવાનો પ્રયત્ન કરે છે ત્યારે ટેસ્ટોસ્ટેરોનની ઉણપ આ પ્રક્રિયાને અવરોધે છે. આ કારણે સાઈટોકિન સ્ટોર્મ થઈ જાય છે.

હોર્મોનનું ઓછું સ્તર પુરુષોમાં રોગપ્રતિકારક પ્રતિક્રિયાને નિયંત્રિત નથી કરી શકતું. જ્યારે અધ્યયન મુજબ સ્ત્રી દર્દીઓમાં વધારે માત્રામાં રહેલું ઈંફ્લેમેશન જોવા મળ્યું.

હેમ્બર્ગમાં લેબનીઝ ઇન્સ્ટિટ્યૂટ ફોર એક્સપેરિમેન્ટલ વાઈરોલોજીના પ્રોફેસર ગુલ્સાહ ગેબ્રીયલે ડેઇલી મેઇલને જણાવ્યું હતું કે, "જે પુરુષો સામાન્ય ટેસ્ટોસ્ટેરોનનું સ્તર ધરાવે છે. તેઓ સાઈટોકિન સ્ટોર્મ ધરાવતા નથી અને તેમના ટકી રહેવાની સંભાવના વધારે હોય છે.

પ્રોફેસર ગેબ્રીયલે જણાવ્યું હતું કે, 'પુરુષોમાં ટેસ્ટોસ્ટેરોનનું પ્રમાણ ઓછું હોવાને કારણે કોરોના વાયરસનું ગંભીર જોખમ હોઈ શકે છે અને સાઈટોકિન સ્ટોર્મના કારણે ચે ઘણીવાર જીવલેણ બની શકે છે.

ઉત્તરપશ્ચિમ યુનિવર્સિટીના સંશોધક અલી દાનેશખાહે જણાવ્યું હતું કે, "મોટાભાગના કોરોના વાયરસ દર્દીઓ માત્ર ફેફસાના નુકસાનને કારણે નહીં, પણ રોગપ્રતિકારક શક્તિમાં ખલેલને કારણે મરી રહ્યા છે."

સાયન્સ ટાઇમ્સ અનુસાર, કેટલાક પુરુષો હાઈપોગોનાડિઝ્મનો શિકાર બને છે. આ કિસ્સામાં શરીર પૂરતું ટેસ્ટોસ્ટેરોન  બની શકતું નથી. જ્યારે કેટલાક પુરુષોમાં તે પછીથી વિકાસ કરવાનું શરૂ કરે છે. ચેપ અથવા ઈજાથી પીડાતા પુરુષોમાં ટેસ્ટોસ્ટેરોન સામાન્ય રીતે  મોડાથી બનવાનું શરૂ કરે છે. કેટલાક કિસ્સાઓમાં તેનો ઉપચાર ટેસ્ટોસ્ટેરોન રિપ્લેસમેન્ટ થેરેપીથી કરી શકાય છે.

સંશોધન કરનારા વૈજ્ઞાનિકના જણાવ્યા મુજબ, SARS-CoV-2 દુનિયાભરના લોકોને ચેપ લગાવી રહ્યો છે, જોકે વારંવાર એવું નોંધાયું છે કે COVID-19  ના ચેપગ્રસ્ત પુરુષો સ્ત્રીઓ કરતાં વધુ ગંભીર અને જીવલેણ જોખમ ધરાવે છે. સ્ત્રીઓ કરતાં કોરોના વાયરસને કારણે પુરુષ દર્દીઓ કેમ મરી જાય છે તે સમજવું ખૂબ જ મહત્વપૂર્ણ બન્યું છે.