ફાયદાકારક / આ કારણોથી પુરૂષોના ખરવા લાગે છે વાળ અને પડે છે ટાલ, માત્ર 7 નુસખાથી ફરી ઉગવા લાગશે

પુરૂષોના વાળ ખરવા પાછળના કારણો

સામાન્ય રીતે 30 વર્ષની ઉંમર બાદ પુરૂષોના વાળ ખરવા લાગે છે. ઘણીવખત 50ની ઉંમરે પહોંચતા તો અડધાંથી વધારે વાળ ખરી જતાં હોય છે અને ટાલ દેખાવા લાગે છે. નોર્વેની બર્ગેન યુનિવર્સિટીના જેકબસને સંશોધન કર્યું છે કે પુરુષો વાળ ખરવા અથવા ટાલ પડવી ટેસ્ટોસ્ટેરોન હોર્મોનને કારણે થાય છે. 

આ પુરૂષોમાં સ્ત્રાવિત થતાં એન્ડ્રોજન જૂથના સ્ટેરોઈડ હોર્મોન છે. પુરૂષોના માથાના વાળ આ જ કારણથી ખરે છે. શરીરમાં કેટલાક એન્જાઈમ હોય છે જે ટેસ્ટોસ્ટેરોનને ડિહાઈડ્રોટેસ્ટોસ્ટેરોનમાં બદલી દે છે. આ વાળને પાતળા અને નબળાં કરી દે છે. આ એન્જાઈમ આનુવંશિક હોય છે. જેના કારણે ઘણાં પુરૂષોને ટાલ પડી જાય છે. 

ટાલ પર વાળ ઉગાડવાના ઘરેલૂ ઉપાયો

• પુરૂષોના જે ભાગ પર વાળ આછાં થતાં જાય ત્યાં દિવસમાં 3વાર લીંબુનો રસ લગાવો. આનાથી વાળ નવા ઉગવા લાગશે.
• ડુંગળીનો રસ લગાવવાથી પણ વાળ ઉગે છે. સપ્તાહમાં બેવાર આ ઉપાય કરો. 
• કોથમીરને પીસીને તેની પેસ્ટ વાળમાં લગાવવાથી ટાલ પર વાળ ઉગે છે. 
• ભોજનમાં લસણનો વધુ ઉપયોગ કરવાથી વાળ ખરતાં બંધ થઈ જાય છે. 
• કડવા લીમડાના પાન અને આમળાનો પાઉડર પાણીમાં ઉકાળી ઠંડુ કરીને તેનાથી સપ્તાહમાં બેવાર વાળ ધોવાથી વાળ ખરતાં નથી. 
• લીમડાના તેલથી વાળમાં મસાજ કરવાથી વાળ મજબૂત થાય છે અને ખરતાં નથી. 
• કલોંજી પીસીને પાણીમાં મિક્સ કરીને વાળમાં લગાવી અડધો કલાક બાદ ધોઈ લેવાથી નવા વાળ ઉગે છે.