તાજેતરના અભ્યાસમાં સાબિત થયું છે કે જ્યારે ખોટું બોલવાની વાત આવે ત્યારે મહિલાઓની સરખામણીમાં પુરુષો વધુ સારી રીતે ખોટું બોલી શકે છે. બ્રિટનની પોર્ટસ્માઉથ યુનિવર્સિટીના સંશોધકોનું કહેવું છે કે જૂઠું બોલવામાં મહારથી એક સારો વક્તા પણ હોય છે અને બીજાની તુલનાએ પોતાના પરિવાર, મિત્રો, પાર્ટનર અને સહયોગીઓ સાથે વધુ જૂઠું બોલે છે.
અભ્યાસકર્તાઓનું કહેવું છે કે જૂઠું બોલવામાં માહેર વ્યક્તિ મેસેજના બદલે આમનેસામને જૂઠું બોલવાનું વધુ પસંદ કરે છે અને સોશિયલ મીડિયા એક એવી જગ્યા છે, જ્યાં તેઓ બહુ ઓછું જૂઠું બોલે છે. મુખ્ય સંશોધક બ્રિયન્ના વેરિઝીને જણાવ્યું કે જૂઠું બોલવાની બાબતમાં મહિલાઓ અને પુરુષોની વચ્ચે એક મહત્ત્વપૂર્ણ સંબંધ હોય છે. મહિલાઓની તુલનામાં પુરુષો ખુદને બે ગણા વધુ જૂઠું બોલનારા માને છે. તેઓ એમ પણ માને છે કે જૂઠું બોલ્યા બાદ તેઓ સરળતાથી બચી પણ જશે.
સંબંધીઓથી છુટકારો મેળવવા ખોટું બોલે છે
પહેલાંના અભ્યાસોમાં જણાવાયું હતું કે મોટા ભાગની વ્યક્તિ રોજ એકથી બે વાર જૂઠું બોલે છે, પરંતુ તે સંપૂર્ણ રીતે યોગ્ય નથી. જૂઠું બોલનારા લોકોનો એક નાનો સમૂહ હોય છે. લગભગ અડધું જૂઠ બોલનારા લોકોની સંખ્યા ઓછી હોય છે, પરંતુ તે લોકો પોતાના સંબંધીઓથી છુટકારો મેળવવા ખોટું બોલી દેતા હોય છે.
સત્યની નજીકનું જૂઠું બોલવું પસંદ કરે છે
અભ્યાસમાં જાણવા મળ્યું કે જૂઠું બોલનારા લોકોની સૌથી મહત્ત્વની રણનીતિ હોય છે કે તેઓ એવું ખોટું બોલે છે, જે સત્યની નજીક હોય. સંશોધકોએ એમ પણ જણાવ્યું કે લોકોને લાગે છે કે કોઇ વ્યક્તિ ખૂબ જ સારી રીતે બોલી શકે છે તો તે સારું જૂઠું પણ બોલી શકે છે.