ફાયદાકારક / પુરૂષોના વાળને મજબૂત અને હેલ્ધી રાખવાની 4 એકદમ સરળ રીત, ક્યારેય વાળ આછાં નહીં થાય

• પુરૂષોના વાળ હેલ્ધી રાખવાની ખાસ ટિપ્સ
• ચોમાસામાં નહીં ખરાબ થાય પુરૂષોના વાળ
• આ ઉપાયો ચોક્કસથી કરશે અસર

ગરમ પાણીનો પ્રયોગ ન કરો

પુરૂષોએ વાળ ધોવા માટે વધુ ગરમ પાણીનો ઉપયોગ ન કરવો. શિયાળામાં આ વાતનું ખાસ ધ્યાન રાખવું કેમ કે ગરમ પાણીથી સ્કિન અને વાળ બંનેને નુકસાન થાય છે. તેનાથી સ્કેલ્પની સ્કિન બહુ જ જલ્દી પ્રભાવિત થાય છે. જેથી નવશેકા પાણીનો જ ઉપયોગ કરવો.

નહાવાના પાણીમાં નાખો લીંબુનો રસ

પુરૂષોએ શિયાળામાં ખાસ વાળ ધોવા માટે માઈલ્ડ શેમ્પૂનો જ ઉપયોગ કરવો. જેથી વધુ કેમિકલવાળા શેમ્પૂથી થતાં નુકસાનથી વાળને બચાવી શકાય. આ સિવાય ચોમાસામાં ખાસ પાણીમાં લીંબુનો રસ મિક્સ કરીને વાળ ધોવા. તેના બ્લીચિંગ એજન્ટ વાળ અને સ્કિન બંને માટે ફાયદાકારક છે અને ડેન્ડ્રફથી બચાવે છે.

વાળ રોજ ધોવા નહીં

ઘણાં પુરૂષોને રોજ વાળ ધોવાની આદત હોય છે. જોકે ચોમાસામાં આવું કરવાથી સ્કેલ્પ વધુ ડ્રાય થવા લાગે છે અને વાળનું નેચરલ ઓઈલ પણ નીકળી જાય છે. જેથી વાળ વધુ તૂટે છે અને ખરે પણ છે. જેથી ગમે તે સીઝન હોય પુરૂષોએ સપ્તાહમાં 3 વાર જ વાળ ધોવા જોઈએ.

કંડીશનરનો પ્રયોગ અવશ્ય કરો

જ્યારે પણ તમે વાળ ધુઓ ત્યારે વાળનું મોઈશ્ચર ઓછું થઈ જાય છે અને તેના કારણે વાળ ડ્રાય થવા લાગે છે. તમે વાળ ધોવા માટે શેમ્પૂનો ઉપયોગ કરો કે ન કરો પણ વાળ ધોયા બાદ કંડીશનર અવશ્ય લગાવો. પુરૂષોએ પણ કંડીશનરનો ઉપયોગ કરવો. તેનાથી વાળ તૂટતા નથી અને સિલ્કી સોફ્ટ બને છે.