તમારા કામનું / બસ પુરુષો આ કરી લે.! કપલના સંબંધોમાં આવશે મિઠાશ, રિસર્ચમાં સામે આવી ગજબની ફોર્મ્યુલા

• પુરુષે મહિલાઓને ઘરના કામકાજમાં મદદ કરવી જોઈએ. 
• આ પ્રકારે કરવાથી દાંપત્યજીવન પહેલા જેવું બની શકે છે. 
• આ ફોર્મ્યુલા દાંપત્યજીવનમાં પહેલા જેવી મિઠાશ લાવી શકે છે.  
   

લગ્નના થોડા વર્ષો પછી પતિ અને પત્નીનાં સંબંધોમાં પહેલા જેવી મિઠાશ રહેતી નથી. પતિ હોય કે પત્ની બંને પોતપોતાના કામમાં બિઝી હોય છે, જેના કારણે સંબંધો નબળા પડવા લાગે છે. પત્નીએ ઘરના તમામ કામ કરવા પડે છે અને પતિ કામ કરાવતા નથી. કોઈપણ સારા રિલેશનશીપ વચ્ચે આ બાબત સૌથી મોટી દીવાલ બનીને સામે આવે છે. રિલેશનશીપની દીવાલ નબળી પડવા લાગે તો પતિ અને પત્નીની સાથે સાથે તેમની સાથે જોડાયેલા લોકો પર પણ અસર થાય છે. આ પરિસ્થિતિમાં રોમાન્સનો આનંદ લેવા માટે શું કરવું જોઈએ. આ બાબતે ઓસ્ટ્રેલિયામાં થયેલ એક સ્ટડીમાં શાનદાર ફોર્મ્યુલા જણાવવામાં આવ્યું છે. આ ફોર્મ્યુલાનો ઉપયોગ કરીને દાંપત્યજીવનમાં પહેલા જેવી મિઠાશ લાવી શકાય છે. સ્ટડીમાં સલાહ આપવામાં આવી છે કે, પુરુષ મહિલાઓને ઘરના કામકાજમાં મદદ કરે તો મહિલાઓ પુરુષને વધુ પ્રેમ કરવા લાગે છે. દાંપત્યજીવન પહેલા જેવું બની શકે છે. 

પુરુષોએ આ કામ કરવું જોઈએ

જેરુસલમ પોસ્ટે રિસર્ચની મદદથી જણાવ્યું છે કે, ઘરના કામકાજમાં પતિ અને પત્નીની એકસમાન ભાગીદારી હોવી જોઈએ. જેનાથી ફિઝિકલ રિલેશનશીપમાં હંમેશા તાજગી રહેશે. સ્ટડીમાં જણાવવામાં આવ્યું છે કે, દંપતી સાફ  સફાઈ, વાસણ, કચરા પોતા જેવા ઘરના કામ સાથે મળીને કામ કરે અથવા પુરુષ ઘરના કામમાં મદદ કરે તો તે ઉપાય ફિઝિકલ રિલેશનશીપ વધારવામાં કારગર સાબિત થાય છે. જો ઘરમાં માત્ર મહિલાઓ જ ભોજન બનાવે, વાસણ કરે, સાફ સફાઈ કરે, કપડા ધોવે તો તે ખૂબ જ થાકી જાય છે. આ પરિસ્થિતિમાં ફિઝિકલ રિલેશન સમયે તેને મજા આવતી આવતી નથી. આ કારણોસર મહિલાઓ શારીરિક સંબંધ બનાવવામાં રસ દાખવતી નથી. જો પુરુષ મહિલાઓને ઘરના કામકાજમાં મદદ કરે તો મહિલાઓ પુરુષ પર વધુ પ્રેમ લુંટાવે છે. 

આ પ્રકારની ઈચ્છા થાય છે

ઓસ્ટ્રેલિયામાં સ્વીનબર્ને યૂનિવર્સિટી ઓફ ટેકનોલોજીના શોધકર્તાઓએ આ સ્ટડી કરી છે. સ્ટડીમાં 299 ઓસ્ટ્રેલિયન મહિલાઓને શામેલ કરવામાં આવી હકી. જેમને તેમના શારીરિક સંબંધ બાબતે ઈચ્છાઓ માટે કેટલાક ઓનલાઈન સવાલ કરવામાં આવ્યા હતા. સંશોધનકર્તાઓએ શારીરિક સંબંધ બાબતે કેટલાક અંગત સંવાલ પૂછ્યા હતા. સ્ટડીમાં પરથી જાણવા મળે છે કે, મહિલાઓ એકાંતમાં સંબંધ બનાવવાની ઈચ્છા ધરાવે છે. જ્યારે મહિલાઓની ઈચ્છા પૂરી થતી નથી તો તે ઈચ્છા પૂરી કરવા માટે અનેક જરૂરિયાતોને એકાંત રૂપે પૂર્ણ કરવાની કોશિશ કરે છે. જ્યારે મહિલા કોઈ વ્યક્તિથી આકર્ષિત થાય છે, તો તેની સાથે સંબંધ બનાવવાની ઈચ્છા રાખે છે. આ અંતરંગતા ત્યારે જ સફળ થાય છે, જ્યારે કોઈપણ પ્રકારની ઝંઝટ ના હોય. ઘરના કામકાજ વહેંચી દેવામાં આવે તો મહિલાઓમાં ભાવનાત્મક રૂપે સંબંધ બનાવવાની પ્રબળ ઈચ્છા હોય છે. સંશોધનકર્તાઓએ જણાવ્યું છે કે, જે દંપતી સાથે કામ કરે છે, તેઓ વધુ સંતુષ્ટ હતા. 

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.