ક્રૂરતા / બાળકીની આંખ કાઢીને પત્નીને તાવીજ પહેરાવ્યું, પિતા બનવાની ચાહતમાં કર્યુ હેવાનિયતભર્યુ કામ

• બિહારમાંથી સામે આવી ક્રૂરતાભરી ઘટના
• પાંચમા બાળકની ચાહતમાં કરી હત્યા
• આંખની રાખ કરી પત્નીને પહેરાવ્યું તાવીજ 

બિહારના મુંગેરથી હેરાન કરી દે તેવો કિસ્સો સામે આવ્યો છે. જ્યાં એક 8 વર્ષની બાળકીની કપાયેલી લાશ મળી આવી છે. પોલીસે દાવો કર્યો છે કે અંધવિશ્વાસમાં આ બાળકીની હત્યા કરી દેવામાં આવી છે. 

પાંચમા બાળકની ચાહત 
મુંગેર જિલ્લાના સફિયાબાદ ક્ષેત્રનો આ કેસ છે જ્યાં આ હત્યાના આરોપમાં 4 લોકોની ધરપકડ કરી લેવામાં આવી છે. પોલીસ અધિકારીએ જણાવ્યું કે, પાંચમા બાળકની ચાહતમાં તેણે એક બાળકીની ક્રુર હત્યા કરી દીધી છે. 

મિત્રએ આપી સલાહ 
પોલીસના જણાવ્યા અનુસાર દિલીપની પત્નીનો ગર્ભપાત થઇ ગયો હતો અને આ વખતે કોઇ પણ હાલમાં તે પત્નીનો ગર્ભપાત થઇ જાય તેવું ઇચ્છતો નહોતો. તેણે પોતાની પીડા મિત્ર તનવીરને સંભળાવી હતી. તનવીરે એક તાંત્રિક સાથે દિલીપની મુલાકાત કરાવી હતી અને તાંત્રિકે કહ્યું કે બાળકીની આંખનું તાવીજ પહેરાવાથી પત્નીનો ગર્ભપાત નહી થાય. 

8 વર્ષીય બાળકીની હત્યા 
બુધવારે એક 8 વર્ષીય બાળકી પોતાના પિતા પાસે પરત જઇ રહી હતી ત્યારે જ દિલીપ દશરથી અને તનવીર બાળકીને પોતાની સાથે લઇ ગયા અને તેની ક્રુર રીતે હત્યા કરી દીધી હતી. 

આંખનું બનાવ્યું તાવીજ 
આંખને બાળીને તેની રાખમાંથી તાવીજ બનાવવામાં આવ્યું અને બાદમાં દિલીપે પોતાની પત્નીને તે પહેરાવ્યું હતુ. પોલીસે તાંત્રિક સહીત 4 લોકોની ધરપકડ કરી લીધી છે અને તેમની પૂછપરછ કરવામાં આવી રહી છે. 

હાથની આંગળીઓ પણ જખ્મી
પોલીસ અધિકારીના જણાવ્યા અનુસાર ગુરુવારે એક બાળકાનો શબ ઇંટના ભઠ્ઠા પાસેથી મળી આવ્યું હતુ જેની જમણી આંખ નીકળેલી હતી અને ડાબી આંખ ફૂટેલી હતી. હાથની આંગળીઓને પણ ખરાબ રીતે જખ્મી કરી દેવામાં આવી હતી, પરિવારે રેપ અને મર્ડરની વાત કરી છે પરંતુ પોસ્ટમોર્ટમમાં રેપની વાત સામે આવી નથી.