જામ વણથલી ગામમાં ગ્રામ પંચાયતના બે સભ્યો લાંચના છટકામાં ઝડપાયા હતા. પાવર પ્લાન્ટ માટે કંપનીને જમીન અધિગ્રહણ કરવાના કેસમાં રૂપિયા 3 લાખની લાંચ લેતા ગ્રામ પંચાયતના ઝડપાયા
જામ વણથલી ગ્રામ પંચાયતના સભ્યો લાંચમાં
પાવર પ્લાન્ટ માટે જમીન અધિગ્રહણમાં લાંચ
એકે અઢી લાખ, બીજાએ 50 હજાર માંગ્યા
જામનગરના જામ વણથલી ગામમાં ગ્રામ પંચાયતના બે સભ્યો લાંચના છટકામાં ઝડપાયા હતા. પાવર પ્લાન્ટ માટે કંપનીને જમીન અધિગ્રહણ કરવાની હતી જે કેસમાં રૂપિયા 3 લાખની લાંચ લેતા ગ્રામ પંચાયતના ઝડપાયા હતા.જામનગર એન્ટી કરપ્શન બ્યુરો ( ACB) એ આ બંને સદસ્યોને ઝડપી લીધા હતા.
જામનગર-રાજકોટ હાઈવે પર ધ્રોલ નજીકથી લાંચ લેતા ઝડપાયેલા આ બંને સદસ્યોએ પાવર પ્લાન્ટ માટેનાં જમીન અધિગ્રહણમાં અડચણરૂપ નાં થવાના બદલામાં રૂપિયા ત્રણ લાખ માંગ્યા હતા. આ બંને આરોપીઓને ફરિયાદી સાથે હેતુલક્ષી વાતચીત કરી ત્રણ લાખની રકમ સ્વીકારી પોતાના પદાધિકારી તરીકેના હોદ્દાનો દુરુપયોગ કરી ગુનાહિત ગેરવર્તણૂક આચરતા બંને ઝડપાઈ ગયા હતા. ઝડપાયેલા પંચાયત સદસ્યોમાં સભ્ય અર્જુનસિંહ જાડેજા, નાથા ટોરિયા નામના શખ્સોનો સમાવેશ થાય છે. અર્જુન સિંહે અઢી લાખ રૂપિયા,જ્યારે નાથાએ 50 હજારની રકમની લાંચ માંગી હતી. લાંચ મામલે ACBને જાણ કરવામાં આવતા ACB એ છટકું ગોઠવી બંને સભ્યોને ઝડપી લીધા હતા.