IPL 2022 / નો બોલ વિવાદ: રિષભ પંત સહિત DC નાં ત્રણ લોકોને મળી સજા, ગ્રાઉન્ડ પર કરેલી આ હરકત ભારે પડી

• દિલ્હી કેપિટલ્સને મળી હતી રાજસ્થાન સામે હાર 
• કેપ્ટન સહીત 3 લોકોને મળી સજા 
• લગાવવામાં આવ્યો દંડ 

કેપ્ટન સહીત 3 લોકોને મળી સજા 

દિલ્હી કેપિટલ્સનાં કેપ્ટન ઋશભ પંત, ફાસ્ટ બોલર શાર્દુલ ઠાકુર અને સહાયક કોચ પ્રવીણ આમરે પર ઇન્ડિયન પ્રીમિયર લીગની આચાર સંહિતાનાં ઉલ્લંઘનને કારણે દંડ લગાવવામાં આવ્યો છે. પંત પર મેચની ફીસનો 100 ટકા દંડ લગાવાયો છે. ઠાકુર પર 50 ટકા દંડ અને આમરે પે પણ 100 ટકા દંડ લગાવવામાં આવ્યો છે. આ મામલો શુક્રવારે દિલ્હી અને રાજસ્થાન વચ્ચે રમાયેલ મેચનો છે. IPLએ શનિવારે આ બાબતની જાણકારી આપી છે. 

શું હતો આખો મામલો 
રાજસ્થાન રોયલ્સે આ મેચ જીતવા માટે દિલ્હી કેપિટલ્સ (DC)ને 223 રનનો ટાર્ગેટ આપ્યો હતો. દિલ્હીની ટીમ આ મેચમાં આરામથી હારી રહી હોય તેવું લાગી રહ્યું હતું અને આ ટીમને છેલ્લી ઓવરમાં 36 રનની જરૂર હતી. કોઈપણ બેટ્સમેન માટે આ અશક્ય કામ હતું, પરંતુ દિલ્હીના બેટ્સમેન રોવમેન પોવેલે રાજસ્થાન રોયલ્સના બોલર ઓબેડ મેકકોયના પહેલા ત્રણ બોલમાં 3 સિક્સર ફટકારી હતી. ત્રીજો બોલ ફુલ ટોસ હતો અને તે જ બોલ પર નો બોલ હતો. 

Delhi Capitals captain Rishabh Pant fined 100 per cent match fee, assistant coach Pravin Amre suspended for one match from dug out for breach of IPL Code of Conduct.

— Press Trust of India (@PTI_News) April 23, 2022

કેપ્ટન રિષભ પંતે ખેલાડીઓને મેદાનની બહાર બોલાવ્યા 
 જ્યારે અમ્પાયર દ્વારા 'નો-બોલ' આપવામાં આવ્યો ન હતો ત્યારે દિલ્હીના કેપ્ટન રિષભ પંતે તેના ખેલાડીઓને મેદાનની બહાર બોલાવવાનું શરૂ કર્યું હતું. જેના કારણે મેચ થોડો સમય રોકાઈ ગઈ હતી. અંતે દિલ્હી આ મેચ હારી ગયું હતું.

ચાહકોએ હોબાળો મચાવ્યો
આ દરમિયાન સ્ટેડિયમમાં બેઠેલા દર્શકોએ પણ હંગામો મચાવ્યો હતો. મેકકોયને નો બોલ ન આપવા બદલ મેદાનમાં અમ્પાયરો વિરુદ્ધ સૂત્રોચ્ચાર કરવામાં આવ્યા હતા. મેદાનમાં બેઠેલા લોકોએ અમ્પાયરના નિર્ણયનો સતત વિરોધ કર્યો અને આ દરમિયાન તેઓએ ચીટર-ચીટરના નારા પણ લગાવ્યા. આ જ ઘટનાનો વીડિયો પણ સોશિયલ મીડિયા પર જોરદાર વાયરલ થઈ રહ્યો છે. તમને જણાવી દઈએ કે જો અમ્પાયરે આ બોલને નો બોલ આપ્યો હોત તો કદાચ મેચનું પરિણામ કંઈક અલગ જ હોત.

નો બોલના કારણે દિલ્હી હારી ગયું
IPL 2022 ની 34મી મેચમાં, રાજસ્થાન રોયલ્સ (DC vs RR) સામેની રોમાંચક મેચમાં દિલ્હી કેપિટલ્સનો 15 રને પરાજય થયો હતો. નો બોલના કારણે દિલ્હીની મેચ જીતવાની છેલ્લી આશા પણ તુટી ગઈ હતી. દિલ્હીની ટીમ હવે 7માંથી 4 મેચ હારી ગઈ છે અને તે 6 પોઈન્ટ સાથે લીગ ટેબલમાં છઠ્ઠા સ્થાને છે.