વિરોધ / PAKમાં ગીત ગાઇને આવ્યા બાદ મીકા સિંહની મુંબઇમાં હાલત ખરાબ, માંગી રહ્યો છે માફી

સિંગર મિકા સિંહનો વિરોધ ઑલ ઇન્ડયિન સિને વર્કર્સ એસોસિએશન (AICWA) કર્યો છે, મુંબઇમાં AICWAએ મીક સિંહ વિરુદ્ઘ પ્રદર્શન કર્યુ. આ વિરોધની ફોટોઝ પણ સોશ્યલ મીડિયા પર જોવા મળી. એસોસિએશનના લોકોએ વિરોઘ કરતા લખ્યુ કે, ''મીકા સિંહ પર પ્રતિબંધ લગાવી દેવામાં આવ્યો છે.''
 

Mumbai: Members of All Indian Cine Workers Association (AICWA) protest against singer Mika Singh, for performing in Pakistan. pic.twitter.com/Adq1YGMyRP

— ANI (@ANI) August 19, 2019

ઉલ્લેખનીય છે કે, આ મામલામાં મીકા સિંહે માફી માંગી છે અને ફેડરેશન ઑફ વેસ્ટર્ન ઇન્ડિયા સિને એમ્પલૉઇઝ (FWICE)ને પણ લેટર લખ્યો છે.

મીકા સિંહે પત્રમાં વિનંતી કરતા લખ્યુ છે કે,  ''આ મામલામાં કંઇ પણ નિર્ણય લેવામાં આવે ત્યારે તેની પહેલા તેનો પક્ષ સાંભળી લેવામાં આવે. જો મેં કંઇ ખોટું કર્યુ છે, તો હું રાષ્ટ્રની સામે માફી માંગવા માટે તૈયાર છું. પરંતુ જ્યાં સુધી તમે મારી વાત નહી માનો, ત્યાં સુધી મારા પર કોઇ પ્રતિબંધ ના લગાવવામાં આવે.''

મીકા સિંહે ટ્વિટર પર FWICE ના અધ્યક્ષ બીએન તિવારીનો એક વીડિયો ક્લિપ પણ શૅર કર્યો છે અને ટ્વીટ કર્યુ છે કે, ''હું પ્રામાણિક રીતે બી એન તિવારી તથા FWICEનો આભાર વ્યક્ત કરવા ઈચ્છું છું, જેમણે મારી તથા મારી ભાવનાઓ સમજી. જેવી રીતે મેં હંમેશા કર્યું છે, તેવી જ રીતે હું હંમેશા સમાજ તથા મારા દેશના લોકો માટે સારું કામ કરતો રહીશ. જયહિંદ.’'

I would like to sincerely thank Mr. BN Tiwari and #FWICE for being so understanding towards me and my sentiments. As I always have done, I will continue to do good for my society and the people of my Country. JaiHind 🙏🏻.. #Supportindiansingers #Banpaksitanisingers ... pic.twitter.com/Zsj3uHi2uU

— King Mika Singh (@MikaSingh) August 18, 2019

મીકા સિંહે શૅર કરેલા વીડિયોમાં બીએન તિવારીએ કહી રહ્યા છે કે એસોસિએશનને મીકાનો પત્ર મળ્યો છે અને મીકાને વાતચીત કરવા માટે બોલાવવામાં આવ્યો છે. બીએન તિવારીએ વીડિયોમાં જણાવ્યુ કે, તેઓ 20 ઓગસ્ટના મીકા સિંહ સાથે મુલાકાત કરશે. 

શું હતો વિવાદ:

થોડાં દિવસ પહેલાં મીકા સિંહનો એક વીડિયો સામે આવ્યો હતો. વીડિયોમાં સિંગર પૂર્વ રાષ્ટ્રપતિ જનરલ પરવેઝ મુશર્રફના સંબંધીના લગ્નમાં પર્ફોર્મ કરતો જોવા મળ્યો હતો. આ વીડિયો સામે આવ્યા બાદ યુઝર્સે મીકાના પર્ફોર્મન્સ પર ગુસ્સો વ્યક્ત કર્યો હતો અને તેને ટ્રોલ પણ કર્યો હતો. આટલું જ નહીં ફિલ્મ ઈન્ડસ્ટ્રીઝમાંથી મીકાને બૅન કરવાની પણ ડિમાન્ડ કરવામાં આવી હતી.