ભયજનક / ગુજરાતમાં જીવલેણ રોગ મેલીયોઇડિસિસનો પ્રથમ કેસ નોંધાયો, સુરતના નિવૃત્ત શિક્ષક બન્યા શિકાર

• સુરતમાંથી મળ્યા જીવલેણ રોગના જીવાણું
• મેલીયોઇડિસિસ રોગના જીવાણું મળ્યા
• નવસારીના નિવૃત શિક્ષકના ફેફસામાંથી મળ્યા જીવાણું

નિવૃત્ત શિક્ષકના ફેફસામાં રસી થઇ જતા તપાસ કરાઇ હતી. ત્યારે તપાસમાં મેલીયોઇડિસિસ ( melioidosis )રોગ હોવાનું સામે આવ્યું. હાલ નિવૃત્ત શિક્ષક સુરતની વિનસ હોસ્પિટલમાં દાખલ છે.

ભારતમાં અત્યારસુધીમાં 585 કેસ

આ રોગ વિયેતનામ, થાઇલેન્ડ અને દક્ષિણ એશિયાના દેશોમાં થાય છે. ત્યારે ગુજરાતમાં સૌ પ્રથમવાર આ રોગનો કેસ નોંધાયો છે. ભારતમાં અત્યારસુધીમાં 585 કેસ મળી આવ્યા છે. જેમાં કર્ણાટકમાં 306 અને તમિલનાડુમાં 146 કેસ નોંધાયા છે.

સામાન્ય રીતે આ સંક્રમણ બુર્કહોલ્ડરિયા સ્યૂડોમલેલી Burkholderia pseudomallei (B. pseudomallei, previously known as Pseudomonas pseudomallei).ના કારણે થાય છે આ જીવાણું પાણી અને માટીમાં હોય છે. સામાન્ય રીતે ખાંસી, ન્યૂમોનિયા, આર્થરગ્લિયા, માયાલગિયા અને તવ્ચાના રોગો થાય છે. 

મેલીયોઇડિસિસના લક્ષણો

• શરીરનો દુખાવો
• સોજા આવવા
• તાવ
• છાલા પડવા, ફોલ્લા પડવા
• ખાંસી આવવી
• છાતીમાં દુખાવો, વારે વારે તાવ આવી જવો
• માથાનો દુખાવો રહેવો
• શ્વાસ લેવામાં મુશ્કેલી થવી
• વજન ઉતરી જવું
• પેટમાં દુખાવો રહેવો

કોને મેલીયોઇડિસિસ રોગ થવાની સંભાવના વધુ છે

• ડાયાબિટીસના પેશન્ટ
• હૃદય રોગની બિમારી હોય તેવા લોકો
• આંતરડાની બિમારી હોય તેમને
• થેલેસેમિયાના દર્દીને
• કેન્સર હોય તેમને
• એચઆઈવીનો ચેપ લાગ્યો હોય તેને
• ફેફસાની બિમારી હોય તેમને

નિવારણ શું

• માટીના સંપર્કમાં આવવાનું ટાળો
• અવાવરૂં પાણીના સંપર્કમાં આવવાનું પણ ટાળો