સ્લોવેનિયા ચૂંટણી / નતાશા પિર્ક મૂસર બની આ દેશની પ્રથમ મહિલા રાષ્ટ્રપતિ, એક સમયે મેલાનિયા ટ્રમ્પની હતી વકીલ

• સ્લોવેનિયન દેશમાં પ્રથમ મહિલા રાષ્ટ્રપતિ ચુંટાયા 
• વકીલ નતાશા પિર્ક મુસરને 54 ટકા મત મળ્યા
• મેલાનિયા ટ્રમ્પના કેસમાં વકીલ બની હતી નતાશા 

સ્લોવેનિયન વકીલ નતાશા પિર્ક મુસાર દેશની પ્રથમ મહિલા રાષ્ટ્રપતિ તરીકે ચૂંટાયા છે. ઉલ્લેખનીય છે કે 2016માં નતાશાને અમેરિકાની પૂર્વ ફર્સ્ટ લેડી મેલાનિયા ટ્રમ્પ દ્વારા એક કેસમાં પોતાની વકીલ બનાવવામાં આવી હતી. એક સમાચાર એજન્સીના અહેવાલ મુજબ, નતાશા મુસાર 23 ડિસેમ્બરે પદ સંભાળશે, જ્યારે વર્તમાન રાષ્ટ્રપતિ બોરુત પહોરનો બીજો કાર્યકાળ સમાપ્ત થશે.

મુસેરને 54 ટકા મત મળ્યા
રવિવારે લગભગ 98 ટકા મતોની ગણતરી થયા બાદ, મુસેરને 54 ટકા મત મળ્યા, જ્યારે તેમના પ્રતિસ્પર્ધી એન્જે લોગરને 46 ટકા મત મળ્યા. ગયા મહિને યોજાયેલી રાષ્ટ્રપતિની ચૂંટણીના પ્રથમ રાઉન્ડમાં લોગરને સાત ઉમેદવારોમાંથી સૌથી વધુ મત મળ્યા હતા અને મુસાર બીજા ક્રમે આવ્યા હતા. મુસાર વકીલ અને દેશના ભૂતપૂર્વ રાષ્ટ્રીય માહિતી કમિશનર છે. તેણી સ્વતંત્ર ઉમેદવાર તરીકે ઉભી હતી પરંતુ વડાપ્રધાન રોબર્ટ ગોલોબ અને તેમના ગઠબંધન ભાગીદારો પૈકીના એક, સોશિયલ ડેમોક્રેટ્સ દ્વારા ટેકો મળ્યો હતો.

#Odlocitev 🗳️ Takšne kampanje v Sloveniji še ni bilo. Ponosna sem na svoje v štabu, na vse prostovoljke in prostovoljce, malo pa seveda tudi nase. Zadovoljna sem, vsem en velik srčen hvala. Veselim se novih izzivov. pic.twitter.com/flCz7fTXBf

— Nataša Pirc Musar (@nmusar) November 13, 2022

30 વર્ષથી રાજકારણમાં સક્રિય
રોઇટર્સના અહેવાલ અનુસાર, પિર્કે કહ્યું, 'હું બધા માટે સાચા રાષ્ટ્રપતિ બનવા, મૂળભૂત અને બંધારણીય માનવ અને લોકતાંત્રિક અધિકારો અને લોકશાહી માટે કામ કરવાનો શ્રેષ્ઠ પ્રયાસ કરીશ. ભૂમિકા મોટાભાગે ઔપચારિક હોવા છતાં, પ્રમુખ સશસ્ત્ર દળોના કમાન્ડર-ઇન-ચીફ છે અને કેન્દ્રીય બેંકના ગવર્નર સહિત સંખ્યાબંધ ટોચના અધિકારીઓને નોમિનેટ કરે છે. મોટાભાગની નોમિનેશનની સંસદ દ્વારા પુષ્ટિ કરવાની હોય છે. પિર્ક મુસેરે ભૂતપૂર્વ ટીવી પ્રસ્તુતકર્તા તરીકે પણ કામ કર્યું છે. તે પછી તે એક પ્રખ્યાત વકીલ બની ગઈ. તેમણે સામાજિક કલ્યાણ અને માનવ અધિકાર કાયદા અંગે પણ ઝુંબેશ ચલાવી હતી. નતાશા બોરુત પહોરની જગ્યા લેશે. બોરુત ભૂતપૂર્વ ફેશન મોડલ છે અને 30 વર્ષથી રાજકારણમાં સક્રિય છે. તેઓ લાંબા સમયથી સોશિયલ ડેમોક્રેટ્સના સભ્ય અને ભૂતપૂર્વ પ્રમુખ રહ્યા છે. તેમણે નેશનલ એસેમ્બલીના સભ્ય તરીકે અનેક હોદ્દા પર સેવા આપી હતી. 2004માં તેઓ યુરોપિયન સંસદના સભ્ય તરીકે ચૂંટાયા.