રિપોર્ટ / રાષ્ટ્રપતિની ચૂંટણી હાર્યા ટ્રમ્પ : હવે મેલાનિયા લઇ શકે છે આ મોટો નિર્ણય ! પૂર્વ સહયોગીએ કર્યો દાવો

• અમેરિકામાં રાષ્ટ્રપતિની ચૂંટણી હાર્યા ડોનાલ્ડ ટ્રમ્પ 
• ડોનાલ્ડ ટ્રમ્પને છૂટાછેડા આપશે મેલાનિયા : રિપોર્ટ 
• 2005માં બન્નેએ કર્યા હતા લગ્ન 

પૂર્વ સહયોગીએ કર્યો દાવો 

ડેલી મેલના અહેવાલ અનુસાર મેલાનિયા ટ્રમ્પની પૂર્વ સહયોગી સ્ટેફની વોલ્કોફે દાવો કર્યો છે કે મેલાનિયા હવે લગ્ન બાદના કરારોને લઈને ટ્રમ્પ સાથે વાતચીત કરી રહ્યા છે. ટ્રમ્પની સંપત્તિમાં ભાગીદારી માટે માંગ કરવામાં આઈ રહી છે. વોલ્કોફે એમ પણ દાવો કર્યો કે અમેરિકામાં રાષ્ટ્રપતિ નિવાસમાં ડોનાલ્ડ અને મેલાનિયા માટે અલગ અલગ બેડરૂમ છે. 

વ્હાઈટ હાઉસથી બહાર આવતા જ લેવાશે નિર્ણય 

ડોનાલ્ડ ટ્રમ્પના પૂર્વ રાજકીય સહયોગી ઓમારોસા મેનીગોલ્ટ ન્યૂમેને પણ દાવો કર્યો છે ટ્રમ્પ અને મેલાનિયાની 15 વર્ષના લગ્ન હવે ખતમ જ થઇ ગયા છે, તેમણે કહ્યું કે મેલાનિયા એક એક મિનીટની ગણતરી કરી રહ્યા છે. ઓમારોસાનો દાવો છે કે ટ્રમ્પ વ્હાઈટ હાઉસની બહાર આવે તે બાદ મેલાનિયા તેમને છૂટાછેડા આપી દેશે. 

પાર્ટીમાં મળ્યા હતા બંને 

નોંધનીય છે  ટ્રમ્પ અને મેલાનિયાની લવ સ્ટોરીની શરૂઆત 1998માં થઇ હતી અને ત્યારે ડોનાલ્ડ 52 વર્ષના હતા જ્યારે મેલાનિયા 28 વર્ષના હતા. એક પાર્ટીમાં બંનેની મુલાકાત થઇ અને તે બાદ 2004માં ટ્રમ્પે તેમને પ્રપોઝ કર્યું જે બાદ 2005માં બન્નેએ લગ્ન કર્યા.