કાર્યવાહી / આ જુઓ મેહુલ ચોક્સીની ગર્લફ્રેન્ડ, ડોમિનિકામાં રોમેન્ટિક ટ્રીપ દરમિયાન થઈ ધરપકડ

• મેહુલ ચોક્સી પોતાની ગર્લફ્રેન્ડ સાથે એક ડિનર ડેટ પર નીકળ્યા
• ત્યાંનાં પ્રધાનમંત્રીએ પણ મેહુલ ચોક્સીની ગર્લફ્રેન્ડનો ઉલ્લેખ કર્યો
• અપહરણના દાવાથી એન્ટીગુઆનો ઈન્કાર

મેહુલ ચોક્સી પોતાની ગર્લફ્રેન્ડ સાથે એક ડિનર ડેટ પર નીકળ્યા
ભારતમાં લગભગ 15 હજાર કરોડથી પણ વધારે રૂપિયાની બેન્ક લોન લઈને ફરાર થઈ જનાર મેહુલ ચોક્સી હાલ વિદેશની પોલીસ કસ્ટડીમાં છે. છેલ્લા કેટલાક દિવસથી પોતાની ગર્લફ્રેન્ડ સાથે એન્ટિગુઆથી નીકળી ડોમિનિકા પહોંચ્યાં હતા. માનવામાં આવે છે કે મેહુલ ચોક્સી પોતાની ગર્લફ્રેન્ડ સાથે એક ડિનર ડેટ પર નીકળ્યા હતા ત્યાં જ તે બંનેને પકડી લેવામાં આવ્યા હતા. એન્ટિગુઆના પ્રધાનમંત્રીએ પણ તેની ગર્લફ્રેન્ડનો ઉલ્લેખ કરી ચૂક્યા છે. તેમણે કહ્યું કે બની શકે છે કે તેઓ બંને રોમેન્ટિક ડિનર કરવા માટે કે પછી ફરવા માટે ડોમિનિકા આઇલેન્ડ પર આવ્યા હોય. 

ત્યાંનાં પ્રધાનમંત્રીએ પણ મેહુલ ચોક્સીની ગર્લફ્રેન્ડનો ઉલ્લેખ કર્યો
ત્યાંનાં મીડિયા સાથે મેહુલ ચોક્સીના વકીલે વાત કરતાં જણાવ્યું હતું કે, તે માત્ર તેમની મહિલા મિત્રને મળવા આવ્યા હતા અને ત્યારે જ તેમનું અપહરણ કરવામાં આવ્યું હતું. કહેવામાં આવી રહ્યું છે કે 23 મે એ તેઓ પોતાની મહિલા મિત્ર સાથે ડિનર કરવા માટે નીકળ્યા હતા, પણ તેઓરેસ્ટોરેન્ટ પર પહોંચે તે પહેલા જ તેમને પકડી લેવામાં આવ્યા. આ મહિલા મિત્રનું નામ બાર્બરા છે અને ત્યાંનાં પ્રધાનમંત્રીએ પણ મેહુલ ચોક્સીની ગર્લફ્રેન્ડનો ઉલ્લેખ કર્યો હતો.  

અપહરણના દાવાથી એન્ટીગુઆનો ઈન્કાર 
એન્ટીગુઆ પોલીસે સ્પષ્ટ  કર્યું છે કે મેહુલ ચોકસીનું કોઈકે અપહરણ કર્યું નથી કે તેમને કોઈએ ટોર્ચર પણ કર્યાં નથી. પ્રધાનમંત્રીના જણાવ્યાનુસાર ભારતીય અધિકારી, દસ્તાવેજો સાથે ડોમિનિકા પહોંચ્યાં છે જેનાથી ત્યાં સાબિત થઈ શકે કે મેહુલ ચોકસી એક ગંભીર નાણાકીય ફ્રોડનો આરોપી છે અને તેને ભારતે મોકલી દેવો જોઈએ.

ગેસ્ટન બ્રાઉન કરી રહ્યાં ભારત મોકલવાની હિમાયત
પ્રધાનમંત્રી ગેસ્ટન બ્રાઉને ડોમિનિકન સરકારને જણાવ્યું ચે કે મેહુલ ચોકસીને એન્ટીગુઆ નહીં ભારત મોકલવો જોઈએ. મેહુલ ચોકસીના કથિત અપહરણ, યાતના અને ગેરકાયદેસર ધરપકડના કેસો કોર્ટમાં પેન્ડીંગ છે.