વિજય / મહેસાણા અર્બન બેન્કની ચૂંટણીઃ વિકાસ પેનલ ફરી સત્તામાં, રિકાઉન્ટિંગની અરજી ચૂંટણી અધિકારીએ સ્વીકારી

જેને ચૂંટણી અધિકારીએ સ્વીકારી લીધી છે. હવે મંગળવારે ફરી એકવખત મતગણતરી કરવામાં આવશે. મહેસાણા અર્બન કો-ઓપરેટિવ બેન્કની ચૂંટણીમાં વિકાસ પેનલના 16 ઉમેદવાર જીત્યા છે. જ્યારે વિશ્વાસ પેનલના એકમાત્ર ડી.એમ.પટેલની જીત થઇ છે.
 

ગઇકાલે મહેસાણા અર્બન કો-ઓપરેટિવ બેન્કની ચૂંટણી યોજાઇ હતી. જેમાં 17 બેઠક માટે મતદાન થયું હતું. 17 બેઠકોની ચૂંટણીમાં ભાજપના  બે જૂથો આમને સામને હતા. જેમાં ભાજપની વિકાસ અને વિશ્વાસ પેનલ સામ-સામે ચૂંટણી લડી રહ્યા હતા.

જેમાં વિકાસ પેનલ જી. કે. પટેલ ગ્રુપનું હતું જ્યારે વિશ્વાસ પેનલ ડી. એમ. પટેલની આગેવાની હેઠળ ચૂંટણી લડી રહ્યાં હતાં. અર્બન કો-ઓપરેટિવ બેન્ક રૂપિયા 5200 કરોડની થાપણ ધરાવે છે.

મહેસાણા અર્બન કો-ઓપરેટિવ બેન્કની ચૂંટણીમાં જી.કે. પટેલ ગ્રુપની વિકાસ પેનલ ફરી એક વખત સત્તામાં આવી છે. જ્યારે ડી.એમ. પટેલની વિશ્વાસ પેનલના સુપડા સાફ થઇ ગયા હતા.

જો કે વિશ્વાસ પેનલ દ્વારા રિકાઉન્ટિંગની અરજી કરવામાં આવી હતી. જેને ચૂંટણી અધિકારીઓ સ્વીકારી લીધી છે.  ચૂંટણી અધિકારીઓ રિકાઉન્ટિંગની અરજી સ્વીકાર્યા બાદ આવતી કાલે ફરી એકવખત મતગણતરી કરવામાં આવશે.

મહેસાણા અર્બન કો-ઓપરેટિવ બેન્કની ચૂંટણીમાં વિકાસ પેનલના 16 ઉમેદવાર જીત્યા છે. જ્યારે વિશ્વાસ પેનલના એકમાત્ર ડી.એમ. પટેલની જીત થઇ છે.