પરંપરા તૂટી? / મહેસાણા: વિસનગરમાં 150 વર્ષથી રમાતી અનોખી ધૂળેટી આ વખતે ન રમાઈ, જાણો કારણ

• વિસનગરમાં અનોખી રીતે યોજાઈ ધુળેટી
• વિસનગરના મંડી બજારમાં ખાસડા ધુળેટી 
• એક બીજાને ખાસડા મારીને ઉજવાય છે ધુળેટી

મહેસાણાના વિસનગરમાં અનોખી રીતે ધૂળેટીનું આયોજન દર વર્ષે કરવામાં આવે છે. વિસનગરના મંડી બજારમાં ખાસડા ધૂળેટી પ્રખ્યાત છે. જેમાં એક બીજાને ખાસડા મારીને ધુળેટીના તહેવારને ઉજવવામાં આવે છે. પરંપરા અનુસાર ખાસડા ધૂળેટીની ઉજવણી કરાઈ છે. બે જૂથમાં વહેંચાઈ અને લોકો આ અનોખી ધુળેટીનો આનંદ ઉઠાવે છે. પરંતુ કોરોનાને કારણે પોલીસે ખાસડા યુદ્ધ રમતા લોકોને અટકાવ્યા હતા. આ વર્ષે મંડી બજારમાં પોલીસ બંદોબસ્ત ગોઠવાયો હતો. અને ખાસડા યુદ્ધ રમવા આવેલા લોકોને ઘરે મોકલવામાં આવ્યા હતા.

બીજી બાજુ હોળીની પણ અનોખી પરંપરા

વિસનગરના લાછડી ગામે લગભગ 100 વર્ષથી વધુ સમયથી ગામના વડવાઓ દ્વારા ગામના ચોરે હોળી પ્રગટાવી હોલીકા દહન અને પૂજન બાદ જે અંગારા જરતા હોય છે. તેમાં ચાલવાની પરંપરા યથાવત રાખવામાં આવી હતી. 

શું છે ખાસડા ધૂળેટી?

મહેસાણાના વિસનગરમાં ધૂળેટી રંગોથી નહીં પણ એકબીજાને ખાસડા (જૂતાં) મારીને ઉજવવામાં આવે છે. આ શહેરમાં છેલ્લા આશરે 150 વર્ષથી આ પરંપરા ચાલી આવે છે. વિસનગરમાં ધૂળેટીના દિવસે એકબીજાને રંગો નહી પણ ખાસડા મારવામાં આવે છે.

વિસનગરના મંડી બજાર વિસ્તારમાં ધુળેટીના દિવસે  ખાસડા યુધ્ધની ઊજવણી કરવાની પરંપરા ચાલી આવે છે. જોકે, હવે ખાસડાનું સ્થાન શાકભાજીએ લીધું છે. વિસનગરના મંડીબજાર વિસ્તારમાં ધુળેટીની વહેલી સવારે ઉત્તર વિભાગમાં વસતા મોદી, ઠાકોર અને પટેલ સમાજના લોકોનું તેમજ દક્ષિણ વિભાગમાં વસતા બ્રામણો, કંસારા અને વાણિયા તેમજ પટેલ સમાજના લોકોનું જૂથ એકઠું થાય છે.

અરવલ્લીના મેઘરજના બાઠીવાડા ગામે વિસનગર મુજબની પરંપરાગત ઉજવણી 

અરવલ્લીના મેઘરજ તાલુકાના બાઠીવાડા ગામમાં આજે પણ વર્ષો જૂની પરંપરા મુજબ હોળીની ઉજવણી કરવામાં આવે છે. બાઠીવાડા ગામમાં 10થી 12 હજારની વસ્તી છે. જ્યાં દિવાળી કરતા હોળીના તહેવારને મોટો માનવામાં આવે છે. અને લોકો વિદેશથી પોતાના વતનમાં હોળી મનાવા આવે છે. ત્યારે ધુળેટીના દિવસે તમામ લોકો ઢોલ-ત્રાંસા સાથે ઢોલ રમતા રમતા ભેગા થાય છે. અને રિવાજ મુજબ હોળીને પ્રગટાવે છે.