આમ હોય / મહેસાણા RTOએ ડ્રાઇવિંગ લાઇસન્સને લઇને એવી કાર્યવાહી કરી કે આખા ગુજરાતમાં આવું થવું જોઈએ, જાણો શું છે મામલો

• મહેસાણા RTOની દાખલારૂપ કાર્યવાહી 
• એક ઝાટકે 68 ડ્રાઈવિંગ લાયસન્સ સીધા રદ્દ 
• માર્ગ નિયમનના ઉલ્લંઘન બદલ કર્યા રદ્દ 

રાજ્ય આખાનાં મોટા શહેરોમાં હવે CCTV લાગ્યા છે ત્યારે બેફામ ડ્રાઈવિંગ કરતા નાગરીકો પર દાખલા રૂપ કાર્યવાહી થવી જોઈએ જેથી વાહન ચાલક બીજી વખત એ પ્રકારની ભૂલ તો નાં જ કરે, પણ અન્ય નાગરીકો પણ વાહન ચલાવતી વખતે એ પ્રકારના ગુના ના આચરે, તેવો દાખલો મહેસાણામાં સામે આવ્યો છે.  

મહેસાણામાં એક સાથે 68 ડ્રાઈવિંગ લાયસન્સ રદ કરવામાં આવ્યા છે. મહેસાણા SPના રિપોર્ટ આધારે આરટીઓ દ્વારા આ કાર્યવાહી કરવામાં આવી છે. 68 ડ્રાઈવિંગ લાયસન્સમાંથી 21 લાયસન્સધારકો એવા હતા જેઓ નશો કરી ડ્રાઈવિંગ કરતા ઝડપાયેલ હતા. આ સિવાય એક્સિડેન્ટ કરી મોત નિપજાવનાર 17 વાહન ચાલકના લાયસન્સ રદ કરાયા છે. તો રોંગ સાઈડ, બેદરકારીભર્યુ ડ્રાઇવિંગ કરતા 30 વાહન ચાલકના લાયસન્સ રદ કરાયા છે.

રાજ્યના મહાનગરોમાં હવે અમદાવાદ,વડોદરા સિવાય બધેથી કર્ફ્યું મુક્તિ સંપૂર્ણ મળી ગઈ છે. હવે સીઝન પણ ઉનાળા થઈ  ગઈ છે.ત્યારે જિલાના મુખ્યમથકો  ઉપરાંત મહાનગરોમાં રાત્રી વેળા ફરનારા લોકો-વડીલો જોવા મળશે. આવા સમયે મોદી રાત્રે નબીરાઓ લક્ઝુરીયસ બાઈક કે કાર લઈને જાહેર માર્ગો બાપીકી જાગીર હોય તેમ વર્તતા હોય છે. રાજ્યના RTO અને પોલીસ વિભાગોએ આવા ગાડી નબર  પરથી, બેફામ અને નિયમ વિરુદ્ધ ડ્રાઈવિંગ કરનારાઓ સામે મહેસાણામાં લેવાયેલા પગલા જેવા પગલા લે, તો રાજ્યમાં માર્ગ અક્સમાત જ નહિ પણ વાહન ચાલકો સતર્કતા પૂર્વક વાહન ચલાવે તેવી લોક લાગણી છે.