મહેસાણા જિલ્લામાં તાજેતરમાં મોબાઈલ ઉપર વાત સાથે વાહન ચલાવવાના કારણે અકસ્માતના અસંખ્ય બનાવો બન્યા હતા. જેમાં અનેક વાહનચાલકો અને રાહદારીઓના મોત થયા છે. આથી જ મહેસાણા જિલ્લા પ્રાદેશિક વાહન વ્યવહાર કચેરી દ્વારા આવા કેસમાં લાઈસન્સ જ રદ કરી દેવાનું કડક વલણ અખત્યાર કરવામાં આવ્યું છે. મહેસાણા આરટીઓ દ્વારા સમગ્ર ગુજરાતમાં પ્રથમ એવી ઘટના હશે કે જેમાં ચાલુ વાહને વાત કરતા ઝડપાયેલા વાહન ચાલકનાં ડ્રાયવીંગ લાયસન્સ રદ્દ કરવામાં આવ્યા હોય.
હવે ચાલુ વાહને મોબાઈલ પર વાત કરવી એ વાહન ચલાવવાનો હક છીનવી શકે છે. મહેસાણા (Mehsana) જિલ્લા પ્રાદેશિક વાહન વ્યવહાર કચેરીએ આ દિશામાં કડક પગલાં ભરવા ના શરૂ કરી દીધા છે. જિલ્લામાં ચાલુ વાહને મોબાઈલ ઉપર વાત કરનારા વાહન ચાલકો ને નોટિસો ફટકારવામાં આવી રહી છે. ત્યારે માંગ એ થઈ રહી છે રાજ્યની એક આરટીઓ (RTO) જે પગલું ભરી શકે છે તે અન્ય આરટીઓ કેમ ન ભરી શકે?
વાહન ચાલકો દ્વારા ચાલુ વાહને મોબાઈલ ઉપર વાત કરવી એ વાહન ચાલક અને રાહદારીઓ માટે જોખમી બની શકે છે. આ વાત જગજાહેર છે પરંતુ તેમ છતાં એ દિશામાં રાજ્યની કોઈ આરટીઓએ નક્કર પગલાં ભર્યા નથી. ત્યારે મહેસાણા જિલ્લા આરટીઓએ એ દિશામાં આગવી પહેલ કરીને નવો માર્ગ કંડાર્યો છે. મહેસાણા જિલ્લા પ્રાદેશિક વાહન વ્યવહાર કચેરી એટલે કે મહેસાણા આર.ટી.ઓ. દ્વારા ચાલુ વ્હીકલે મોબાઈલ પર વાત કરનારા વાહનચાલકનાં લાયસન્સ રદ્દ કરવાનો નિર્ણય કર્યો છે. તેના જ ભાગરૂપે મહેસાણા જિલ્લામાં બે બાઈક સવારો ચાલુ બાઈકે મોબાઈલ ઉપર વાત કરતા ઝડપાતાં બંને વાહન ચાલકોનાં લાયસન્સ કાયમી ધોરણે રદ્દ કરવામાં આવ્યા છે.
મહેસાણા જિલ્લામાં તાજેતરમાં મોબાઈલ ઉપર વાત સાથે વાહન ચલાવવાના કારણે અકસ્માતના અસંખ્ય બનાવો બન્યા હતા. જેમાં અનેક વાહનચાલકો અને રાહદારીઓના મોત થયા છે. આથી જ મહેસાણા જિલ્લા પ્રાદેશિક વાહન વ્યવહાર કચેરી દ્વારા આવા કેસમાં લાઈસન્સ જ રદ કરી દેવાનું કડક વલણ અખત્યાર કરવામાં આવ્યું છે. મહેસાણા આરટીઓ દ્વારા સમગ્ર ગુજરાતમાં પ્રથમ એવી ઘટના હશે કે જેમાં ચાલુ વાહને વાત કરતા ઝડપાયેલા વાહન ચાલકનાં ડ્રાયવીંગ લાયસન્સ (Driving License) રદ્દ કરવામાં આવ્યા હોય.
જો કે આ ઉપરાંત એવા અનેક વાહન ચાલકો સામે પણ પ્રાદેશિક વાહન વ્યવહાર કચેરીએ અકસ્માત નિવારવા કડક પગલાં ભરવાના શરૂ કર્યા છે...મહેસાણા આર.ટી.ઓ.કચેરી એ પોતાના પ્રથમ અભિયાનમાં જ 30થી વધુ વાહન ચાલકોને ચાલુ વાહને મોબાઈલ ઉપર વાત કરવાના કારણસર નોટીસો ફટકારી છે તો બેફામ વાહન ચલાવીને અકસ્માત સર્જી મોત નીપજાવનાર 14 જેટલા વાહન ચાલકોના ડ્રાયવીંગ લાયસન્સ રદ્દ કરવાની કાર્યવાહી હાથ ધરી છે.
મહેસાણા જિલ્લા આરટીઓ દ્વારા ચાલુ ડ્રાઈવિંગ મોબાઈલ ઉપર વાત કરનારના ડ્રાયવીંગ લાયસન્સ કાયમી રદ્દ કરવાની કાર્યવાહીથી વાહનચાલકોમાં ફફડાટ વ્યાપી ગયો છે. પરંતુ આ મોબાઈલ પર વાત કરતાં વાહન ચલાવવાનું દૂષણ માત્ર મહેસાણા પૂરતું સીમિત નથી. સમગ્ર દેશ સહિત રાજ્યમાં આ સમસ્યા છે. ત્યારે સવાલ એ ઊભા થઈ રહ્યા છે કે, મહેસાણા RTOની સારી શરૂઆત, સમગ્ર રાજ્યમાં ક્યારે લાગૂ થશે?
ગુજરાતનાં મોટા શહેરોની RTO આવી નક્કર કાર્યવાહી ક્યારે કરશે? બેફામ વાહન ચલાવતા ચાલકોને RTOનાં આ નિયમનો ડર લાગશે? અમદાવાદ, રાજકોટ અને સુરત શહેરમાં અકસ્માતે મોત ક્યારે રોકાશે? બાઈક ચાલકો જ નહીં બેફામ રીતે કાર ચલાવતા લોકોને RTO ઝડપી શકશે? જેવા અનેક સવાલો હજુ જેમના તેમ છે.