પોલીસ તરીકેની ડ્યુટી સ્ટ્રેસ ભરેલી છે. તેમનાં કામનાં કલાકો, અનિયમિત જમવાનાં કારણે તેમના સ્વાસ્થ્ય સાથે ચેડા તો થાય જ છે. તેમજ તેમને કોઈ પ્રકારનાં તહેવારોમાં કે અન્ય કોઈ રજા પણ મળતી ન હોવાથી તેમના સહિત તેમનાં પરિવારજનો પણ હેરાન થાય છે. જેને પગલે મહેસાણામાં પોલીસ માટે મહત્વનો નિર્ણય લેવામં આવશે. જેને કારણે મહેસાણા પોલીસમાં ખૂશીનું મોજું ફરી વળ્યું છે.
પોલીસ જવાનોને પરિવાર સાથે દર રવિવારે ફિલ્મ જોવા મોકલાશે
પોલીસ ખાતામાં ફરજ બજાવનારા જવાનો તણાવમાં રહે છે. જેનાં કારણે તેમનાં સ્વભાવમાં તો ઠીક તેઓ અનેક બિમારીનો શિકાર બનતા હોય છે. આ ઉપરાંત ઘણા પોલીસ કર્મીને પરિવાર કે વતન અથવા તેમને એડજસ્ટ થાય તેવા સિટીમાં પોસ્ટિંગ મળતું ન હોવાને કારણે પણ તેમની પર્સનલ લાઈફ પણ ડિસ્ટર્બ થતી હોય છે. આ કારણોસર તેમના પરિવારજનો સાથનાં સંબંધોમાં પણ ક્યાંક ખટરાગ થતો હોય છે.
પોલીસની અનેક સમસ્યાને લઈને મહેસાણાં SPએ મહત્વનો નિર્ણય લીધો છે. મહેસાણામાં પોલીસ કર્મચારીઓ માટે લેવાયેલા આ મહત્વના નિર્ણયને જવાનોએ આવકર્યો છે. હવેથી અહીં પોલીસમાં ફરજ બજાવતા જવાનોને તણાવમુક્ત રાખવા માટે પરિવાર સાથે ફિલ્મ જોવા મોકલાશે. નિર્ણય મુજબ દર રવિવારે પરિવાર સાથે પોલીસ જવાનોને ફિલ્મ જોવા મોકલાશે. જેથી કામગીરીમાં વ્યસ્ત રહેતા પોલીસ જવાનો તણાવમુક્ત રહી શકે. મહેસાણાનાં SPએ ફિલ્મનાં બે શોની વ્યવસ્થા કરી છે. ફિલ્મોમાં પણ મોટિવેશન ફિલ્મો બતાવવામાં આવશે. સાથે જ 200 જેટલાં પોલીસ જવાનોને માંગ્યા મુજબનાં સ્થળે પોસ્ટિંગ પણ આપવામાં આવ્યું છે.