મહેસાણામાં પોલીસકર્મીઓની દાદાગીરી સામે આવી છે.પોલીસના 2 કોન્સ્ટેબલોએ મહિલા સાથે ગેરવર્તન કર્યુ હોવાની ઘટના પ્રકાશમાં આવતા સ્થાનિકોમાં રોષ જોવા મળ્યો હતો.આ ઘટનાની મળતી વિગત પ્રમાણે માનસિક રીતે અસ્વસ્થ બીમાર મહિલાને એક કોન્ટેબલે જાહેરમાં ઢસડી હતી.
પોલીસના કૃત્યને કારણે મહિલાના પતિને પણ માથાના ભાગે ઈજા થઈ હતી.જો કે આ ઘટના બાદ તે મહિલાએ એમ્બ્યુલન્સમાં જવા માટે જવા માટે ઇનકાર કરતા પોલીસકર્મીઓએ તેને ઢસડીને એમ્બ્યુલન્સમાં બેસાડી હતી.આ સમગ્ર ઘટનાનો વીડિયો સોશિયલ મીડિયામાં વાયરલ થતા લોકોએ આ ઘટનાને ગેર વ્યાજબી ગણાવી હતી.
માનસિક રીતે અસ્વસ્થ મહિલાને મહેસાણાના સ્થાનિક પોલીસ કર્મીઓ દ્વારા જાહેરમાં ઢસડવામાં આવતી હોય તેવો એક વિડીયો જાહેર માધ્યમોમાં ફરતો થતાં જોનારે ખાખીના આ વર્તનને વખોડી કાઢેલ અને આ કૃત્ય બદલ તેમની સામે પગલા લેવામાં આવે તેવી લોકમાંગ ઉઠવા પામી હતી.