નાયબ મુખ્યમંત્રીનાં મત વિસ્તાર મહેસાણાનો લિંક રોડ એટલા માટે જોવો જરૂરી છે. કારણ કે તે લોકોનાં માથાનો દુખાવો બની ગયો છે. મહેસાણા શહેરનાં લિંક રોડનાં નિર્માણને હજુ થોડા વર્ષ જ થયા છે. લિંક રોડ ઓવરબ્રીજ પર મસમોટી તિરાડો અને ખાડા પડી ગયા છે. આ લિંક રોડ તમારા માટે જોખમી છે. આ પુલ અને રસ્તાનું નામ તો લિંક રોડ છે. પણ એ ક્યારે કોનાં જીવનની લિંક તોડી નાખે તે નક્કી નહીં. આ લિંક રોડ ગુજરાતનાં નાયબ મુખ્યમંત્રી નીતિન પટેલની નગરી મહેસાણાનો છે અને સ્વંય નીતિન પટેલે જ તેને થોડા વર્ષો પહેલાં લોકો માટે ખુલ્લો મૂક્યો હતો.
નાયબ મુખ્યમંત્રીનાં મત વિસ્તાર મહેસાણાનો લિંક રોડ એટલા માટે જોવો જરૂરી છે. કારણ કે તે લોકોનાં માથાનો દુખાવો બની ગયો છે. મહેસાણા શહેરનાં લિંક રોડનાં નિર્માણને હજુ થોડા વર્ષ જ થયા છે. લિંક રોડ ઓવરબ્રીજ પર મસમોટી તિરાડો અને ખાડા પડી ગયા છે. રોડ રીતસરનો હાડપિંજર જેવો ખોખલો થઈ ગયો છે. લોકો માટે રોડ પરથી પસાર થવું પણ જોખમી બની ગયું છે. ત્યારે કોણે એવો ભ્રષ્ટાચાર કર્યો કે રોડ ચોમાસું આવે તે પહેલાં જ જર્જરિત થઈ ગયો?
આ લિંક રોડ તમારા માટે જોખમી છે. આ પુલ અને રસ્તાનું નામ તો લિંક રોડ છે. પણ એ ક્યારે કોનાં જીવનની લિંક તોડી નાખે તે નક્કી નહીં. આ લિંક રોડ ગુજરાતનાં નાયબ મુખ્યમંત્રી નીતિન પટેલની નગરી મહેસાણાનો છે અને સ્વંય નીતિન પટેલે જ તેને થોડા વર્ષો પહેલાં લોકો માટે ખુલ્લો મૂક્યો હતો. પરંતુ નીતિનભાઈને ત્યારે એ ખબર નહીં હોય કે આ રસ્તો લોકો માટે સુખરૂપ નહીં પણ દુઃખરૂપ બની જશે.
રસ્તામાં મસમોટો ખાડા પડી ગયા છે. જેમ માણસનાં હાડકાં દેખાય તેમ રોડનાં સળિયા દેખાવા માંડ્યા છે. રસ્તા પરથી સતત વાહનની અવરજવર જોવા મળે છે. જ્યારે ભારે વાહન પસાર થતું હોય ત્યારે તો એવું જ લાગે જ્યારે હમણા જ આફત આવશે. રસ્તામાં ઠેર ઠેર ખાડાઓ છે. 15 દિવસ કરતાં પણ સમયથી કેટલાંક ખાડાની ફરતે માત્ર પથ્થરોની આડશ મૂકીને માર્ગ અને મકાન વિભાગે સંતોષ માન્યો છે.
આ ઓવરબ્રીજ પર એક બે નહીં પણ અનેક તિરાડો અને લાંબા લચક ખાડા પડી ગયા છે. કેટલીક જગ્યાએ લોખંડ બહાર આવતાં ઓવરબ્રીજની ગુણવત્તાને લઈને અનેક સવાલો ઉભા થયા છે. ભારે વાહનોની અવર-જવરથી સતત ધમધમતા ઓવરબ્રીજ પર અનેક જગ્યાએ ખાડા પડી જતાં સ્થાનિકોમાં પણ ઉગ્ર રોષ જોવાં મળી રહ્યો છે. તો બીજી તરફ આ મામલે આર એન્ડ બીનાં અધિકારીઓ કઈ પણ સ્પષ્ટતા કરવાનો ઇનકાર કરી રહ્યાં છે.
રાજ્ય સરકાર અને રેલ્વે વિભાગ દ્વારા રૂપિયા 16 કરોડનાં ખર્ચે વિસનગર લીન્ક રોડનાં ઓવરબ્રીજનું નિર્માણ કરીને વર્ષ 2014માં લોકાર્પણ કરવામાં આવ્યું હતું. 10મી ફેબ્રુઆરી 2014 નાં રોજ આ ઓવરબ્રીજને માર્ગ અને મકાન મંત્રી નીતિનભાઈ પટેલનાં હસ્તે ખુલ્લો મુકાયો હતો. જો કે ઓવરબ્રીજની કામગીરી શરૂ થઈ ત્યારથી તેની ગુણવત્તા અંગે સ્થાનીક નાગરીકોએ બંને વિભાગોને અનેક રજૂઆતો કરી હતી. પરંતુ નાગરીકોની રજૂઆતો તંત્રનાં બહેરા કાને અથડાઈને પાછી ફરી હતી. ત્યારે ઓવરબ્રીજ પર પડેલાં મસમોટા ખાડાઓએ બંને વિભાગોની પોલ ખોલી નાખી છે. તેમ છતાં જવાબદારી લેવાં માટે બંને વિભાગો એકબીજાને ખો આપી રહ્યાં છે.
હજુ તો ચોમાસું બરોબર બેઠું નથી ત્યાં જ મહેસાણાના લિંક રોડની હાલત જર્જરિત થઈ ગઈ છે. મસમોટા ખાડા પડી ગયા છે. તો ઓવરબ્રીજ પર પડેલાં ખાડાની જવાબદારી અંગે માર્ગ અને મકાન વિભાગ તેમજ રેલ્વે વિભાગે એકબીજા પર જવાબદારી ઢોળીને કેમેરા સામે કંઈ પણ કહેવાનો ઈન્કાર કરી દીધો છે. ત્યારે આ ઓવરબ્રીજની નબળી ગુણવત્તા માટે જવાબદાર કોણ? માર્ગ અને મકાન વિભાગનાં મંત્રી તત્કાલીન મંત્રી અને હાલનાં નાયબ મુખ્યમંત્રી નીતિનભાઈ પટેલનાં મત વિસ્તાર મહેસાણામાં ઉદ્ઘાટનનાં 4 જ વર્ષમાં તિરાડ અને ગાબડાં પડી જતાં હોય તો અન્ય વિસ્તારોની સ્થિતિ કેવી હશે? ત્યારે હવે જોવાનું એ રહે છે કે આ ઓવરબ્રીજની નબળી ગુણવત્તા માટે જવાબદારી નક્કી થાય છે કે પછી. તેરી ભી ચૂપ ઔર મેરી ભી ચૂપ.