બનાસકાંઠાના દાંતાના પૂર્વ ધારાસભ્ય અને પરથી ભટોળના પુત્ર વસંત ભટોળે ભાજપમાંથી રાજીનામાની ચીમકી ઉચ્ચારી છે. વસંત ભટોળે કહ્યું છે કે, જો બનાસકાંઠા બેઠક પરથી તેમના પિતા એટલે કે પરથી ભટોળને કોંગ્રેસ ટિકિટ આપે તો તે હજારો સમર્થકો સાથે ભાજપમાંથી રાજીનામું આપશે અને કોંગ્રેસ જે કામ સોંપશે તે કરશે.
બનાસકાંઠાના દાંતાના પૂર્વ ધારાસભ્ય અને પરથી ભટોળના પુત્ર વસંત ભટોળે ભાજપમાંથી રાજીનામાની ચીમકી ઉચ્ચારી છે. વસંત ભટોળે કહ્યું છે કે, જો બનાસકાંઠા બેઠક પરથી તેમના પિતા એટલે કે પરથી ભટોળને કોંગ્રેસ ટિકિટ આપે તો તે હજારો સમર્થકો સાથે ભાજપમાંથી રાજીનામું આપશે અને કોંગ્રેસ જે કામ સોંપશે તે કરશે.
આ સાથે જ વસંત ભટોળે ભાજપ પર આકરા પ્રહાર કર્યા અને કહ્યું કે, ભાજપના શાસનમાં ખેડૂતો, પશુપાલકો, નાના વેપારીઓથી લઈ સૌ કોઈ પરેશાન છે..તો ભટોળ પરિવારે પણ અત્યાર સુધી ઘણુ સહન કર્યું છે. ઉલ્લેખનીય છે કે, કોંગ્રેસ તરફથી પરથી ભટોળની ટિકિટ લગભગ નક્કી છે. માત્ર સત્તાવાર જાહેરાત જ બાકી છે. ત્યારે આગામી સમયમાં ભાજપને ફટકો પડે તેવી શક્યતા છે.
રાજકીય પક્ષોની કવાયત
ગત વખતે યોજાયેલ ચૂંટણીનો આધાર લઇને રાજકીય પક્ષોએ જે-તે બૂથમાં ઉમેદવારોને મળેલા વોટને આધાર બનાવીને જે-તે નવા મત વિસ્તારમાં જીતની શકયતાનો કયાસ કાઢવાની કવાયત હાથ ધરી છે. આ સાથે જ કેટલાક ઉમેદવારો પોતાના પક્ષથી નારાજ થઇને અન્ય પક્ષમાં જોડાઇ રહ્યા છે.
ત્યારે બનાસકાંઠાની દાંતા બેઠકના પૂર્વ ધારાસભ્યએ પોતાના સમર્થકો સાથે મળીને ભાજપમાંથી રાજીનામું આપવાની ચીમકી ઉચ્ચારતા ઉત્તર ગુજરાતના રાજકારણમાં ગરમાવો પ્રસરી જવા પામ્યો હતો.
બનાસકાંઠામાં લોકસભાની ચૂંટણી પહેલા જ જિલ્લાનું રાજકારણ ગરમાયુ છે ભાજપ તરફથી પરબત પટેલને ઉમેદવાર ઘોષિત કરાયા છે તો સામે પક્ષે કોંગ્રેસ દ્વારા હજુ સુધી કોઈ સત્તાવાર કોઈનું નામ જાહેર કરાયુ નથી પરંતુ પરથી ભટોળને ટિકિટ કોંગ્રેસ આપે તેવું લગભગ નિશ્ચિત છે ભાજપમાંથી રાજીનામું આપવાની જાહેરાત કરતા વાતાવરણ ગરમાયું છે.