મહેસાણા: ઉત્તર ગુજરાતની ઓળખ સમાન મહેસાણા શહેરને દિવાળી ગિફ્ટ સ્વરૂપે શહેરનું પોતાનું રેડિયો સ્ટેશન પ્રાપ્ત થયું છે. આજથી મહેસાણામાં 92.7 TOP FM નો પ્રારંભ થયો છે.
'જબ સુનો ટોપ' સુનોની ટેગલાઇન હેઠળ 92.7 TOP FM નો મહેસાણા ખાતે શુભારંભ થતાં મહેસાણાવાસીઓને પોતાના મન-ગમતા ગીતો સાંભળવા મળી શકશે. સ્થાનિક તડકા તથા યૂનિક પ્રોગ્રામિંગ સામગ્રી અને ભરપૂર સંગીતની લિજ્જત શહેરની જનતાને માણવા મળશે.
TOP FM ના લોન્ચિંગ પ્રસંગે વાત કરતા સમભાવ મીડિયાના મોભી કિરણ વડોદરિયાએ જણાવેલ કે અમે લોકલ માર્કેટમાં ગહન કન્ઝ્યુમર રિસર્ચ કરેલ અને મને ખાતરી છે કે અમારી શ્રોતાઓ અંગેની સમજને કારણે TOP FM આ માર્કેટમાં સમધુર રેડિયો કન્ટેન્ટનો અવકાશ પુરવામાં સફળ થશે.
આપને જણાવી દઇએ કે મહેસાણા શહેરને આજથી પોતાનું FM રેડિયો સ્ટેશન પ્રાપ્ત થશે. આ રેડિયો સ્ટેશનથી મહેસાણાની જનતાની શરૂઆત સંગીત સભર થશે.