મહેસાણાના કડી પોલીસ સ્ટેશન દારૂકાંડને લઇને મહત્વના સમાચાર સામે આવ્યા છે. ત્યારે મહેસાણાના કડી પોલીસ સ્ટેશનમાં દારૂકાંડ મામલે તપાસ તેજ કરવામાં આવી છે. દારૂકાંડના મુખ્ય સૂત્રધાર તત્કાલિન PI ઓ.એમ.દેસાઇની ધરપકડ કરી છે. કડી પોલીસ દારૂનો વેપલો કરતો હોવાનો ખુલાસો થયો હતો.
દારૂકાંડનો મુખ્ય સૂત્રધાર તત્કાલિન PIની ધરપકડ
કડી પોલીસ દારૂનો વેપલો કરતી હોવાનો થયો હતો ખુલાસો
પોલીસ ઇન્સ્પેક્ટર ઓ.એમ.દેસાઈની ધરપકડ
મહેસાણાના કડી પોલીસ સ્ટેશન દારૂકાંડ મામલે અગાઉ 2 PSI સહિત કુલ 6ની ધરપકડ થઈ હતી. ત્યારે હવે મુખ્ય સૂત્રધાર તત્કાલિન પોલીસ ઇન્સ્પેક્ટર ઓ.એમ.દેસાઈની ધરપકડ કરાઇ છે. આ મામલે ગાંધીનગર સીટની ટીમ તપાસ કરી રહી છે.
શું છે સમગ્ર મામલો?
લોકડાઉન દરમિયાન કડી પોલીસ સ્ટેશનના અધિકારીઓએ જ બુટલેગરો સાથે મળી પોલીસ સ્ટેશનમાંથી દારૂનો વેપાર માંડ્યો હતો. જે મામલે ઉચ્ચ અધિકારીઓને જાણ થતા તપાસનો ધમધમાટ શરૂ થયો હતો. ગાંધીનગરમાં આવતાં ડીઆઇજીની સૂચના આધારે ગાંધીનગર પોલીસે ઓચિંતી રેડ કરતા પોલીસબેડામાં અફડાતફડી મચી ગઈ હતી. પોલીસ-બુટલેગર સાથે ભાગીદારીનો આ મુદ્દો સમગ્ર રાજ્યમાં ચર્ચાસ્પદ બન્યો હતો. કડી પોલીસ સ્ટેશનમાંથી જ પોલીસે વિદેશી દારૂનો વેપાર શરૂ કર્યો હતો. જે અંગેની બાતમી આધારે ગાંધીનગર પોલીસે કડી પોલીસ સ્ટેશનમાં સરપ્રાઈઝ ચેકિંગ બાદ મામલો પ્રકાશમાં આવ્યો હતો. ત્યાર બાદ કડી પોલીસે બુટલેગરો સાથે મળી વધારાનો મુદ્દામાલ સગેવગે કરી દીધો હતો. જોકે આ સગેવગે કરેલો માલ પણ તપાસ દરમિયાન નર્મદા કેનાલમાંથ મળી આવ્યો હતો.