વર્ષ 2018માં પરિણીતા સાથે આચર્યુ હતુ સામુહિક દુષ્કર્મ
મહેસાણામાં વર્ષ 2018માં 23 વર્ષીય પરિણીતા સાથે સામુહિક દુષ્કર્મની ઘટના બની હતી. ત્યારે 4 વર્ષની સુનાવણી બાદ હવે આજે મહેસાણા સેશન્સ કોર્ટે ચુકાદો સંભળાવ્યો છે. કોર્ટે તમામ 7 આરોપીઓને 20-20 વર્ષની સખત કેદની સજા અને 4-4 હજાર રૂપિયાનો દંડ ફટકાર્યો છે. પીડિત મહિલાને ન્યાય અપાવવા માટે અને નરાધમોને સજા સુધી પહોંચાડવા માટે આખા કેસમાં કુલ 29 સાક્ષીઓ અને 80 પુરાવા મહત્વના રહ્યા હતા.
શું બની હતી ઘટના ?
અમદાવાદથી રાધનપુર જતી મહિલાને સાથે 7 નરાધમોએ દુષ્કર્મ આચર્યું હતું. મહિલા રાધનપુર ચોકડીથી પેસેન્જર તરીકે રિક્ષામા બેઠી હતી. રીક્ષા ચાલક અને તેના મિત્રોએ મહિલાને અવાવરૂ જગ્યાએ ધાકધમકી આપી કૃત્ય આચર્યું હતું. અવાવરૂ જગ્યા બાદ રિક્ષામાં અને ગેસ્ટ હાઉસમાં પણ દુષ્કર્મ આચર્યુ હતુ. બપોરે 3 વાગ્યાથી રાત્રે 1 વાગ્યા સુધી મહિલાને ગોંધી રાખી હતી. જોકે મહિલા ઘટનાસ્થળેથી ભાગીને નજીકના ગેરેજમાં પહોંચતા બચાવ થયો હતો. બાદમાં આરોપીઓ સામે ફરિયાદ નોંધાવી હતી.
તમામ 7 આરોપીઓને સજા
7 આરોપીઓને સજા સંભળાવવામાં આવી છે. ત્યારે આ આરોપીઓમાં નવસાદ બહેલીમ, જાવીદ પઠાણ, સોહિલ સિપાઈ, રાકેશ રાવળ, રાજેન્દ્ર ઝાલા, અજય ઠાકોર અને વિજય ઠાકોરને કોર્ટે સજા ફટકારી છે.