નિર્ણય / મહેસાણા જિલ્લા પોલીસ વડાનો આદેશ, હવે પોલીસ કર્મચારી આ ભૂલ કરશે તો થશે કાર્યવાહી

મહેસાણા પોલીસ કર્મચારી વાહન પર પોલીસ લખાવી શકે નહીં. મહેસાણા જિલ્લા પોલીસ વડાએ આ અંગે આદેશ કર્યો છે. ખાનગી વાહનમાં પોલીસ લખેલું પકડાશે તો કાર્યવાહી કરવામાં આવશે. પોલીસ લખેલું સ્ટીકર હશે તો એમ.વી.એક્ટ હેઠળ કાર્યવાહી કરવામાં આવશે.

મહેસાણા જિલ્લા આરટીઓની પ્રશંસનીય પહેલ

બીજી તરફ આરટીઓ દ્વારા પણ કડક પગલાઓ ભરવાના શરૂ કરી દીધા છે. જિલ્લામાં ચાલુ વાહને મોબાઈલ ઉપર વાત કરનારા વાહન ચાલકોને નોટિસો ફટકારવામાં આવી રહી છે.

ચાલુ વાહને વાત કરતા બે વાહન ચાલકે  લાયસન્સ કાયમી રદ્દ કરાયા

મહત્વનું છે કે, ચાલુ વાહને મોબાઇલ પર વાત કરતા બે વાહનચાલકોના લાઇસન્સ કાયમી માટે રદ કરી દેવાયા છે. 30 લોકોને લાઇસન્સન રદ કરવા અંગે પણ નોટિસ આપવામાં આવી છે. આ ઉપરાંત મહેસાણા આરટીઓ દ્વારા સ્કૂલ વાહનચાલકોને પણ નોટિસ ફટકારી છે.

ઉલ્લેખનીય છે કે, ટ્રાફિક પોલીસે 10 જૂને આબલિયાસણ ગામના એક વ્યક્તિને મોબાઈલ પર વાત કરતા ઝડપી પાડ્યો હતો. ટ્રાફિક પોલીસે મેમો આપવાની સાથે RTOને કડક કાર્યવાહી ભલામણ કરી હતી. ત્યાર બાદ RTO દ્વારા નોટિસમાં યોગ્ય ખુલાસો ન કરતા લાયસન્સ આજીવન રદ કરવામાં આવ્યું હતું.