બેદરકારી / વાહ રે સરકાર! મહેસાણા કલેક્ટર કચેરીમાં સ્ટાફ ન હોવા છતાં ફાળવાઇ બાઈકો

સરકાર ઘણીવાર જરૂર ન હોય ત્યાં પણ વરસી પડતી હોય છે. પ્રજાના પૈસાનો ધૂમાડો કરતી જોવા મળે છે. સરકાર દ્વારા ગુજરાત સરકારના શ્રમ અને રોજગાર વિભાગ દ્વારા જિલ્લાકક્ષાએ કાર્યરત શ્રમ રોજગાર કચેરીઓને બાઈકોની ફાળવણી કરવામાં આવી છે. પરંતુ આ બાઈકો ધૂળ ખાઈ રહી છે. 

મહેસાણા જિલ્લા કલેક્ટર કચેરીમાં આ બાઈકો ધૂળ ખાતી પડી છે. હકીકતમાં સ્ટાફ ન હોવા છતાં પણ બાઈકો ફાળવવામાં આવી છે. આમ, બાઈક ચલાવનાર અધિકારી જ ન હોવાથી બાઈકો રીતસરની ધૂળ ખાતી જોઈ શકાય છે.

મહત્વનું છે કે, સરકારના શ્રમવિભાગે જિલ્લા કક્ષાની કલેક્ટર કચેરીઓને બાઇકો ફાળવી હતી. પરંતુ સ્ટાફ ન હોવાથી બાઇકો ધૂળ ખાય છે. ત્યારે આ પ્રકારની બેદરકારીના કારણે પ્રજા લાખોનું રૂપિયાનું પાણી થાય છે.