મહેસાણામાં એક જ સમાજના બે જૂથ આમને સામને આવી જતા ખૂની ખેલ ખેલાયો. આ ખૂની ખેલમાં હથિયારોથી હુમલો કરાતા બે વ્યક્તિઓનાં મોત થયા છે. તો ઘટનાના પગલે પોલીસ પણ ઘટના સ્થળે પહોંચી અને વધુ કાર્યવાહી હાથ ધરી છે. જોકે ગામમાં આ જૂથ અથડામણ બાદ અજંપાભરી શાંતિ જોવા મળી રહી છે.
ઘટનાની વિગત એવી છે કે મહેસાણાના રામપુરા કુકસ ગામમાં કોઈ કારણોસર એક જ સમાજના બે જૂથ વચ્ચે ભારે અથડામણ થયું. એક જ સમાજના બે જૂથ આમને સામને આવી જતા હથિયારોથી હુમલો પણ કરવામાં આવ્યો. આ હુમલમાં બે વ્યક્તિઓનાં મોત થયા છે.
ઘટનાની જાણ પોલીસને થતા તે ઘટના સ્થળે પહોંચી હતી અને મામલો થાળે પાડ્યો હતો. તો બંને મૃતકોના મૃતદેહને મહેસાણાની સિવિલ હોસ્પિટલમાં ખસેડવામાં આવ્યા છે. ત્યારે હજુ પણ ગામમાં અજંપાભરી શાંતિ જોવા મળી રહી છે.
એટલું જ નહીં ગામમાં કોઈ અનિચ્છનીય ઘટના ના બને તે માટે મોટી સંખ્યામાં પોલીસ કાફલો પણ તૈનાત કરવામા આવ્યો છે. ઉપરાંત પોલીસે આ હુમલાખોરોની શોધખોળ હાથ ધરી આગળની કાર્યવાહી હાથ ધરી છે.