ભાજપમાં ભડકો હવે બહાર આવી રહ્યો છે. આ આગ હવે પક્ષના જ આગેવાનોને દઝાડી રહી છે. વારંવાર ઉઠી રહેલા અનામત આંદોલન માટે ભાજપના એક જ નેતા ઉપર પક્ષ અને પક્ષ બહારના નેતાઓ આંગળી ઉઠાવી રહ્યા છે અને છે નીતિન પટેલ.
ભાજપમાં જ જૂથવાદ, કોમવાદ અને અસંતોષની જ્વાળાઓ ઉઠી રહી છે. વારંવાર નીતિન પટેલનું નામ અનામતના આંદોલન સાથે જોડાઈ રહ્યું છે વારેવારે કહેવાઈ રહ્યુ છે નીતિન પટેલ જ ભાજપમાં વારેવારે અનામતનું તેલ ઉમેરી અસંતોષની લાગણી બળવત્તર બનાવી રહ્યા છે. આ જ મતલબની ફેસબુક પોસ્ટ હાલ વાયરલ થઈ છે.
ફેસબુક પોસ્ટથી વિવાદ
મહેસાણામાં ફરી એક વખત ભાજપમાં આંતરિક વિવાદ શરૂ થયો છે. મહેસાણા જિલ્લાના ભાજપના બક્ષીપંચ મોરચાના પ્રમુખે વિવાદીત પોસ્ટ કરતા વિવાદ થયો છે.. જિલ્લાના બક્ષીપંચ મોરચાના પ્રમુખ દેવેન્દ્ર ઠાકોરે ફેસબુક પર નીતિન પટેલ અને દિનેશ બાંભણિયાને લઈને પોસ્ટ કરી છે.
શું છે પોસ્ટ?
આ પોસ્ટમાં તેમણે નાયબ મુખ્યમંત્રી નીતિન પટેલ અને દિનેશ બાંભણિયાને અશાંતિ ફેલાવનારા ગણાવ્યા છે. આ પોસ્ટમાં નેતાએ નીતિન પટેલને 2015માં શાંતિ ડહોળનારા ગણાવ્યા છે. જિલ્લાના ભાજપના બક્ષીપંચના મોરચાના પ્રમુખની પોસ્ટ વાયરલ થતા રાજકારણમાં ગરમાવો જોવા મળી રહ્યો છે.