Tuesday, July 16, 2019
સબસ્ક્રાઈબ કરો VTVGujarati ન્યુઝ Whatsapp

અકસ્માત / મહેસાણા-ભાંડુ હાઇવે ઉપર અર્ટિગાનું ટાયર ફાટતાં ગાડી પલટી : એકનું મોત

મહેસાણા-ભાંડુ હાઇવે ઉપર અર્ટિગાનું ટાયર ફાટતાં ગાડી પલટી : એકનું મોત

અમદાવાદથી અર્ટિગા ગાડી લઇને મહેસાણા-ભાંડુ હાઇવે ઉપર આવેલા વોટરપાર્કમાં ન્હાવા જતાં છ મિત્રોને અકસ્માત નડ્યો હતો. જેમાં ભાંડુ હાઇવે ઉપર ગાડીનું ટાયર ફાટતાં ગાડી પલ્ટી ખાઇ હતી જેમાં એક યુવકનું મોત નીપજ્યું હતું જ્યારે પાંચને ઇજા થતાં સારવાર અર્થે ખસેડ્યા છે.

અમદાવાદના ભગવતી એપાર્ટમેન્ટમાં રહેતા રાજકૃષ્ણ પરેશભાઇ યોગી સહિતના મિત્રો રવિવારે મિત્ર શ્વેતાંગ પટેલ સાથે તેની અર્ટિગા ગાડી લઇ મહેસાણા-ભાંડુ હાઇવે ઉપર આવેલા વોટરપાર્કમાં ન્હાવા નીકળ્યા હતા. જ્યાં પુરઝડપે જઇ રહેલ અર્ટિગા ગાડીનું ટાયર ભાંડુ નજીક ફાટતાં પલટી ગઇ હતી.

ગાડીમાં બેઠેલા છ યુવકોને ગંભીર ઇજા પહોંચતાં સારવાર અર્થે મહેસાણા ખસેડ્યા હતા. જ્યારે અમદાવાદ ખાતે બુધવારે પટેલ ચિરાગકુમાર દ્વારકાદાસનું સારવાર દરમિયાન મોત નીપજ્યું હતું. જ્યારે એકની હાલત હજુ પણ ગંભીર છે. આ અંગે રાજકૃષ્ણભાઇએ વીસનગર પોલીસ મથકે ફરિયાદ આપતાં પોલીસે ગાડીના ચાલક શ્વેતાંગ પટેલ સામે ગુનો નોંધી તપાસ હાથ ધરી છે.

જોવા જેવું વધુ જુઓ

બ્રેકિંગ ન્યૂઝ